PD: Rama po bllokon levizjen e lire ne Evrope

Deputetet e Partise Demokratike, reaguan serish dje kunder greves se urise se deputeteve dhe mbeshtetesve te Partise Socialiste. Deputetja e selise blu, Paulina Hoti, tha se Edi Rama kercenoi me dhune duke penguar per pak minuta qarkullimin e makinave dhe levizjen e qytetareve, si ndeshkim per shperfilljen qe shqiptaret i kane bere cadrave te tij. "Edvin Kristaq Rama, kerkoi te bllokonte rruget, sic kerkon te bllokoje levizjen e lire te shqiptareve ne Evrope. U bej thirrje kolegeve qe prej 12 ditesh flene ne rruge, te gjejne kurajen te sherojne vetveten", tha Hoti. Po keshtu, ajo u beri thirrje socialisteve qe te rigjejne dinjitetin e nenave dhe keto te fundit, te distancohen e te zhbllokojne rrugen e shqiptareve drejt Evropes. "Te nderuara kolege gjeni kurajen, clirojuni, mos u perdorni me. Kthehuni dhe ju ne shtepi", beri thirrje Hoti. Ne te njejten linje, edhe deputeti demokrat, Sybi Hida, akuzoi se bllokmenet e rinj e te vjeter kerkojne pushtet me cdo kusht. "Kjo pjelle e Bllokut te vjeter, kerkon hakmarrje per baballaret. Si 20 vjet me pare keto bllokmene te rinj jane te izoluar nga bota. Keto pinjolle te neveritshem jane te perbuzur nga elita e kombit. Keto "revolucionare" qesharake jane braktisur mencurish nga shqiptaret", tha ai. Sipas Hides, faktori nderkombetar dhe trupi diplomatik ne Shqiperi, i ka cilesuar perpelitjet e tyre per dhune si nje lufte per pushtet, e cila vjen ne momentin me te papershtatshem, me metoda qe cdo dite behen me te denueshme.