PD mashtroi publikun për kamionçinat e fushatës
Partia Demokratike mashtroi elektoratin e saj gjatë fushatës me 40 kamionçinat që mbajtën për dhjetë ditë muaj logon dhe sloganet e saj gjatë fushatës për zgjedhjet e 28 qershorit 2009.
Pesë muaj më parë, gjatë fushatës zgjedhore, znj. Majlinda Bregu, në një ceremoni të zhvilluar në Portin e Durrësit, deklaroi se 40 kamionçinat kishin mbërritur si mbështetje e Partive Popullore Europiane. Sipas zonjës Bregu, ishte një fondacion që ndodhej pranë PPE-së, Fondacioni për Studime Politike për Ballkanin dhe Europën Juglindore, që kishte bërë të mundur mbërritjen e këtyre 40 kamionçinave, të cilat do të lëviznin për 10 ditë rresht në të gjithë Shqipërinë, për të dhënë dhe për të shprehur mbështetjen e së djathtës europiane ndaj së djathtës shqiptare.
Po çfarë ishin në fakt ato makina? "Fiks Fare" zbuloi se shoferët e atyre kamionçinave ishin qytetarë të thjeshtë italianë, që punojnë për një firmë private në Itali. Në atë kohë, askush nuk e dinte se kush i pagoi, kush i solli. Vetë drejtuesit e kamionçinave treguan për kamerën e "Fiks Fare" se ishin shtetas italianë që punonin për një shoqëri private në Itali, e cila merret me marketing dhe publicitet. Ishte kjo kompani që i kishte sjellë në Shqipëri.
Për ta konfirmuar këtë shkuam dhe pyetëm në doganën e Portit të Durrësit, nga ku kishin hyrë kamionçinat. Ish-drejtori i kësaj dogane, zoti Arben Ibroja, na konfirmoi se kamionçinat ishin disa automjete që kalojnë siç kalojnë të gjitha mjetet. Ishin automjete që kalojnë nën regjimin e lejimit të përkohshëm të thjeshtëzuar. Gjithashtu kreu i Doganës së Durrësit konfirmoi se këto kamionçina nuk kishin hyrë në Shqipëri nën emrin e ndonjë subjekti politik apo fondacioni, ashtu siç deklaroi zonja Bregu.
Nga ana tjetër, dy ditë më parë PD depozitoi pranë KQZ-së zbardhjen e financimit të fushatës zgjedhore që ajo zhvilloi në periudhën maj-qershor 2009.
Në bazë të këtij deklarimi, të depozituar tashmë në KQZ, Partia Demokratike ka shpenzuar mbi pesë milionë lekë për ardhjen e këtyre kamionçinave.
Pra këto kamionçina nuk ishin as dhuratë dhe as ndihmesë, po janë paguar nga Partia Demokratike për reklamë gjatë fushatës zgjedhore.
Pesë muaj më parë, gjatë fushatës zgjedhore, znj. Majlinda Bregu, në një ceremoni të zhvilluar në Portin e Durrësit, deklaroi se 40 kamionçinat kishin mbërritur si mbështetje e Partive Popullore Europiane. Sipas zonjës Bregu, ishte një fondacion që ndodhej pranë PPE-së, Fondacioni për Studime Politike për Ballkanin dhe Europën Juglindore, që kishte bërë të mundur mbërritjen e këtyre 40 kamionçinave, të cilat do të lëviznin për 10 ditë rresht në të gjithë Shqipërinë, për të dhënë dhe për të shprehur mbështetjen e së djathtës europiane ndaj së djathtës shqiptare.
Po çfarë ishin në fakt ato makina? "Fiks Fare" zbuloi se shoferët e atyre kamionçinave ishin qytetarë të thjeshtë italianë, që punojnë për një firmë private në Itali. Në atë kohë, askush nuk e dinte se kush i pagoi, kush i solli. Vetë drejtuesit e kamionçinave treguan për kamerën e "Fiks Fare" se ishin shtetas italianë që punonin për një shoqëri private në Itali, e cila merret me marketing dhe publicitet. Ishte kjo kompani që i kishte sjellë në Shqipëri.
Për ta konfirmuar këtë shkuam dhe pyetëm në doganën e Portit të Durrësit, nga ku kishin hyrë kamionçinat. Ish-drejtori i kësaj dogane, zoti Arben Ibroja, na konfirmoi se kamionçinat ishin disa automjete që kalojnë siç kalojnë të gjitha mjetet. Ishin automjete që kalojnë nën regjimin e lejimit të përkohshëm të thjeshtëzuar. Gjithashtu kreu i Doganës së Durrësit konfirmoi se këto kamionçina nuk kishin hyrë në Shqipëri nën emrin e ndonjë subjekti politik apo fondacioni, ashtu siç deklaroi zonja Bregu.
Nga ana tjetër, dy ditë më parë PD depozitoi pranë KQZ-së zbardhjen e financimit të fushatës zgjedhore që ajo zhvilloi në periudhën maj-qershor 2009.
Në bazë të këtij deklarimi, të depozituar tashmë në KQZ, Partia Demokratike ka shpenzuar mbi pesë milionë lekë për ardhjen e këtyre kamionçinave.
Pra këto kamionçina nuk ishin as dhuratë dhe as ndihmesë, po janë paguar nga Partia Demokratike për reklamë gjatë fushatës zgjedhore.