PD rrezon dekretet e Topit

Mazhoranca rrezon ne Kuvend, Presidentin e Republikes, Bamir Topi. Ne mesnate, deputetet e djathte ne sallen e Kuvendit hodhen poshte kater prej emrave te sjelle nga kreu i shtetit per anetare te Gjykates se Larte, duke dhene pelqimin vetem per nje prej tyre, Zamir Poden. Por, menjehere pasi ka dale jashte salles, Madhi ka deklaruar se as mandati i Podes nuk eshte i vlefshem, pasi duhej 50 plus 1 te votave te deputeteve, pra 66 deputete qe te merrte mandatin. Nderkohe qe, deputeti socialist, Besnik Dervishi, anetar tjeter i sekretariatit te votimit, e quajti te vlefshem mandatin e Podes. Si nje hakmarrje ndaj veprimit te Presidentit Topi, qe dorezoi ne Kuvend pa u konsultuar me pare me forcat politike kandidatet per Gjykaten e Larte, grupi demokrat dhe disa aleate bllokuan miratimin e Altina Xhoxhaj, Artan Zenelit, Kristaq Traja e Medi Bici. Po surpriza ndodhi ne votimin e fundit. Cuditerisht, shumica dha pelqimin per nje prej emrave qe ne grupin demokrat u perfol si me i padeshiruari, Zamir Poden. Ai u votua me 65 vota pro dhe 62 kunder, rezultat qe nuk e mbyt dot rrjedhjen e votave brenda grupit demokrat dhe aleateve qe kane votuar pro tij. Vendimi u mor pak minuta se te niste seanca plenare e pasdites edhe pse ne mbledhjen e grupit demokrat, e cila u zhvillua ne 17:00 te pasdites, ku mesohet se Kryeministri Sali Berisha porositi te gjithe deputetet e tij qe te votojne kunder kandidaturave. Vote e cila u reflektua qarte ne momentin e numerimit. Pervec Podes, i cili pati fatin te kaloje proven e votimit. E kunderta ndodhi me te majten. Grupi socialist, i mbledhur po pasdite per te njejten ceshtje, vendosi qe te jape voten pro kandidaturave te kreut te shtetit. Por pa rezultat se te gjitha u rrezuan ne mesnate. Ndonese votimi i djeshem per pese emrat e Presidentit Bamir Topi ishte i fshehte me kuti, nga kampi i djathte dhe aleatet nuk munden te mungojne rrjedhjet. Kjo u vu re nga rezultatet perfundimtare dhe shume qarte ne momentin e votimit per Zamir Poden. Perfundimisht, emrat e Presidentit u rrezuan me nga 65-72 vota. Cka verteton se disa aleate pse jo dhe grupi i deputeteve brenda PD-se qe mbeshtesin Presidentin Topi te kene votuar pro kandidaturave. Me i padeshiruari nga kandidaturat ishte Medi Bici. Ai mori numrin me te larte te votave kunder per te mos qene ne postin e anetarit. Nga nje perllogaritje e thjeshte, rezulton qe Bici eshte votuar kunder dhe nga deputetet e opozites, pasi kapi 86 vota kunder. Ne fakt, dy kandidaturat qe PD nuk pranoi qe ne fillim ishin Kristaq Traja dhe Zamir Poda, te cilet u manifestua se nuk do te mund te kalonin proven e votimit ne Kuvend. Por qendrimi i selise blu ndryshoi vetem pak minuta para seances, ku u vendos qe vota kunder te jete per te gjithe peseshen qe kreu i shtetit solli ne Kuvend, por pa rezultat ne rastin e Podes.

Tashme Presidentit te Republikes, Bamir Topi, do t'i duhet te perzgjedhe kater kandidate te tjere per anetare te Gjykates se Larte. Nderkohe qe enigme mbetet emri i Podes. E pse jo dhe te konsultohet me maxhorancen e forcat politike, nese nuk kerkon te perballet me rrezimin e radhes ne Kuvend. Ky ishte meraku i vetem qe Kryetarja e Kuvendit, Jozefina Topalli, por dhe deputetet e djathte kane ngritur gjate debateve njemujore per ceshtjen e emrave te kandidateve. Topalli e ka thene hapur, se kreu i shtetit duhet te ishte konsultuar me forcat politike. Madje, sugjeroi dhe miratimin e nje ligji te posacem per te, per te realizuar nje gje te tille.

Altina Xhoxhaj

56 vota pro

72 kunder

1 abstenim

Artan Zeneli

56 vota pro

71 kunder

2 abstenim

1 e pavlefshme

Kristaq Traja

52 vota pro

76 kunder,

1 abstenim

1 e pavlefshme

Medi Bici

40 vota pro

86 kunder

4 abstenim

Zamir Poda

65 vota pro

62 kunder

1 abstenim

2 te pavlefshme

5 Ishin emrat qe u hodhen per votim dje ne Kuvend per anetare te Gjykates se Larte. Altina Xhoxhaj, Medi Bici, Kristaq Traja, Artan Zeneli dhe Zamir Poda. Kater prej tyre nuk u miratuan ne seancen e djeshme plenare per te marre statusin e anetarit.

1 Ngjyre per nje kandidat. Ne votimin e fshehte me kuti dje ne mesnate, deputetet votuan me flete me ngjyra te ndryshme. Nje ngjyre i takonte nje emer per anetare te Gjykates se Larte. Kjo zgjedhje u be qe deputetet te mos ngaterronin kutine

Anetari quhet i vlefshem kur voton shumica e te pranishmeve. Kete ka deklaruar mbreme anetari i sekretariatit te votimit, Madhi, teksa ka hedhur poshte si humbese kandidaturen e gjyqtarit Zamir Poda

Eshte hera e pare qe rrezohen nga Kuvendi i Shqiperise pese dekretet e nje Presidenti. Qe nga viti 1991, e ketej nuk ka ndodhur ende nje precedent i tille qe te rrezohen dekretet e Presidentit.