PDIU: Shqipëria t’i ofrojë Kosovës asistencë për vizat

Sipas kësaj partie, ky vendim përbën një hap të rëndësishëm për heqjen e vizave edhe me Kosovën.

“PDIU vlerëson se ky vendim është tejet i vonuar dhe se të gjitha procedurat për liberalizimin e vizave me Kosovën duhet të kishin përfunduar, në mënyrë që të mos ekzistojë asnjë “vrimë e zezë” në Ballkan, nga ana e Bashkimit Evropian. PDIU përshëndet këtë vendim, i cili është në shërbim të bashkëkombësve tanë në Kosovë dhe që duhet të ecë me hapa më të shpejta. Në këtë drejtim, PDIU i bën thirrje shtetit shqiptar që t’i ofrojë Kosovës të gjithë asistencën dhe përvojën e vetë në lidhje me detyrimet për liberalizimin e vizave, procedure që Shqipëria e ka tejkaluar vetëm tre vite më pare”, thekson reagimi. /Start/
 

                                                                                             2012-05-31 14:25