PE: Protestat e opozites, imazh i keq per Shqiperine Rozeta Rapushi

Parlamenti Evropian, Komisioni Evropian dhe eurodeputetet kritikuan dje zgjedhjen e protestes se Partise Socialiste dhe mbeshtetesve te tyre per te hyre ne greve, ne nje kohe qe Shqiperia pret vendime te rendesishme per procesin e integrimit te vendit. Si dhe kritikuan qendrimin e opozites me greva ne rruge, ne vend qe te dialogoje ne Kuvend. Ne mbledhjen e pare te Komitetit per MSA-ne, mes Bashkimit Evropian dhe Shqiperise, nderkombetaret pas kater dite greve urie te deputeteve te majte dhane qendrimin e tyre per te. "Zhvillimet politike pozitive te Shqiperise, jane te vena ne hije nga kriza politike. Kjo po jep imazhin e nje vendi qe nuk permbush ende standardet evropiane te nje demokracie te pjekur dhe demton imazhin e vendit, si dhe ve ne rrezik progresin e metejshem", tha Drejtori per Ballkanin ne Komisionin Evropian, Pierre Mirel. Sipas tij, manifestimet e bera gjate fundjaves edhe pse paqesore, peshojne ne kete imazh negativ, jo per kundershtimet politike ne vetvete, por sepse mungesa e debatit politik ne Parlament, ne vend te atij te rruges, bllokon progresin. "Une ju bej nje pyetje ju, a jane grevat e urise nje mjet per te avancuar ne kete moment qe ne po pergatisim opinionin e Shqiperise?", tha Mirel per deputetet e opozites qe ishin dje te pranishem ne mbledhjen e djeshme. Eurodeputeti Eduard Kukan, tha se situata aktuale politika, ku opozita nuk merr pjese ose merr pjese pjeserisht ose ne menyre te kushtezuar ne seancat parlamentare, eshte nje pengese per integrimin evropian te Shqiperise. "Te gjitha apelet qe kane ardhur nga organizata nderkombetare nuk kane ndryshuar situaten dhe lajmet qe po vijne nga Tirana, tregojne se situata eshte bere me e nderlikuar dhe e veshtire", tha Kukan. Ne te njejten linje edhe eurodeputetja Doris Pack e quajti katrahure situaten ne Shqiperi dhe vendim te gabuar te opozites per te hyre ne greve. Me kritik, eurodeputeti Jalko Kacin tha se deputetet e opozites ne Shqiperi, duket se nuk po bejne greve urie sepse jane te uritur, por te mire paguar per sa kohe qe ne vend qe ulen dhe punojne ne Parlament, bejne greva. "Greve urie behet ne nje vend ku ka diktature dhe nese opozita mendon keshtu, atehere ta thote hapur, por i bie qe ajo te jete pjese e saj. Imazhi i saj, nuk te vjen mire kur sheh kete situate", tha Kacin. Edhe eurodeputetja Marije Cornelissen theksoi se nuk eshte aspak mire qe ne kohen kur Shqiperia pret vendime te rendesishme per rrugen e saj drejt integrimit, eurodeputetet njihen me situata te tilla si greva e urise.

Ministrat e Brendshem te Ballkanit Perendimor: Hiqni vizat per Shqiperine
Ministrat e brendshem te vendeve anetare te Forumit te Salsburgut dhe te Ballkanit Perendimor iu drejtuan me nje leter Keshillit te Evropes, Komisionit Evropian dhe Parlamentit Evropian ku kerkohet liberalizimi pa vonesa i vizave me Bashkimin Evropian per Shqiperine dhe Bosnje Hercegovinen. Zevendesministri i Brendshem Avenir Peka mori pjese ne konferencen e ministrave te brendshem te vendeve anetare te Forumit te Salsburgut dhe te vendeve te Ballkanit Perendimor, me teme "Dialogu nderkulturor dhe Siguria e Brendshme" qe u zhvillua ne datat 28-29 prill ne Sarajeve, Bosnje-Hercegovine.
Ai kryesoi nje nga kater pjeset tematike te konferences", ku midis te tjerash vuri theksin ne harmonine nderfetare ne Shqiperi. Ne fund te kesaj konference, Ministrat e brendshem te vendeve anetare te Forumit te Salsburgut dhe te Ballkanit Perendimor iu drejtuan me nje leter Keshillit te Evropes, Komisionit Evropian dhe Parlamentit Evropian ku kerkohet liberalizimi pa vonesa i vizave per Shqiperine dhe Bosnje Hercegovinen, duke vleresuar permbushjen nga ana e ketyre dy vendeve te kritereve te udherrefyesit. Nenshkruesit shprehen ne kete leter angazhimin dhe mbeshtetjen e tyre te plote per kryerjen pa vonese te te gjitha procedurave dhe shmangien e barrierave administrative ne menyre qe qytetaret e Shqiperise dhe Bosnje Hercegovines te perfitojne sa me shpejt nga liberalizimi i vizave.