PR: Ne qeveri, pas hetimit
Fatjona Mejdini
Perfaqesuesit me te larte te Partise Republikane i bene te ditur Kryeministrit Berisha njekohesisht lider te PD-se, se ata nuk do te propozojne asnje emer per minister deri ne momentin qe prokuroria te zbardhe implikimin ose jo te Fatmir Mediut ne ngjarjen e Gerdecit. Pas perfundimit te Kryesise se PR-se, presidenti i nderit te kesaj partie, Sabri Godo, kryetari i republikaneve, Fatmir Mediu dhe kreu i Grupit parlamentar te PR-se, Arian Madhi u drejtuan drejt zyres se Kryeministrit per t'i komunikuar edhe vendimin e marre ne kryesi. Presidenti i Nderit, Godo deklaroi pas takimit me Berishen se republikanet nuk ishin gati te beheshin pjese e qeverise, derisa prokuroria te zbardhte tragjedine e Gerdecit.
"Nuk jemi akoma te gatshem te jemi pjese e qeverise. Do te shikojme se si do te zhvillohen hetimet dhe cdo te dale ne shesh nga hetimet", deklaroi Godo, por duke shtuar se PR vazhdonte te ishte pjese e koalicionit te djathte.
Vendimi per kete qendrim u mor mesditen e djeshme, pas disa ore diskutimesh ne Kryesine e Partise Republikane. Burime brenda kesaj mbledhjeje bejne te ditur per gazeten "Koha Jone" se republikanet kane qene te vendosur qe t'i japin kohe drejtesise te zbardhe te plote ngjarjen e Gerdecit dhe te sqarohet ne menyre te qarte pozicioni i kryetarit te tyre, Fatmir Mediu, ne kete ngjarje. Ne mbledhjen me dyer te mbyllura te kryesise, republikanet jane shprehur te indinjuar ne lidhje me akuzat e hedhura ndaj kreut te tyre, Mediu dhe kane theksuar se drejtesia duhet t'i shkoje deri ne fund kesaj ceshtjeje, per te treguar edhe pafajesine e ish-ministrit te Mbrojtjes ne lidhje me kete ceshtje. Burime prane kryesise se republikaneve bejne te ditur per gazeten se ne mbledhjen e djeshme te kryesise pothuajse te gjithe anetaret kane qene te mendimit se Fatmir Mediu duhet te riperfshihet ne kabinetin qeveritar, pasi prokuroria te perfundoj hetimet. Sipas republikaneve, kreu i tyre, Mediu, duhet te jete patjeter pjese e kabinetit te djathte qeverises, duke qene se PR e ka zgjedhur ate per t'i perfaqesuar me postin e ministrit ne kabinetin e drejtuar nga Kryeministri Berisha. Po keshtu mosperfshirja ne qeveri me post ministror deri ne zbardhjen e plote te ngjarjes eshte zgjedhur si strategji nga republikanet per te treguar solidaritet me kryetarin e partise se tyre, Fatmir Mediu. Ne lidhje me hetimet, ato kane dite qe kane nisur per ngjarjen e Gerdecit dhe dy dite me pare ne prokurori u paraqit edhe ish-ministri i Mbrojtjes, Mediu, per te dhene deshmine e tij ne lidhje me ngjarjen. Kreu i PR-se eshte shprehur i hapur per t'u nenshtruar hetimeve nga prokuroria ne lidhje me ngjarjen edhe ne rastin kur keto hetime mund t'i kushtojne imunitetin e tij si deputet. Por, ndonese pa perfaqesim me minister aktualisht ne qeveri, republikanet vazhdojne te jene aleatet me te afert te PD-se ne qeverisje. Kjo per shkakun se Grupi i tyre parlamentar eshte i perbere nga 11 deputete, duke qene keshtu grupi i dyte me i madh parlamentar i mazhorances. Momentalisht, Partia Republikane perfaqesohet ne qeveri me dy zevendesministra, te cilet jane edhe dy nga nenkryetaret e republikaneve. Keshtu, nenkryetari i PR-se, Neritan Alibali, eshte zv/ministri i Kultures dhe Turizmit, ndersa zv/ministri i Ministrise se Mjedisit, Aleksander Garuli eshte po keshtu nenkryetar ne PR.
SSSASS