PR: Reforma zgjedhore, jo monopol, ja propozimet tona

Partia Republikane akuzoi dje Partine Demokratike dhe ate Socialiste se reformen zgjedhore e kane kthyer ne nje shou mediatik, duke qene jo serioze me kete reforme te rendesishme. Kreu i Grupit parlamentar te PR-se, Arian Madhi, parashtroi edhe kerkesat e kesaj force per reformen zgjedhore, duke theksuar se dy partite e medha duan te vendosin te vetme per kete reforme. "Prononcimet nga perfaqesues te larte te dy partive te medha politike, ne i vleresojme si mjete taktike per te asgjesuar konsensusin nepermjet demonstrimit te monopolit mbi procesin. Ata, me deklarimet e tyre te parakushteve te panegociueshme, po injorojne shkembimin e pikepamjeve dhe ofrimin e qendrimeve me te gjitha partite e tjera politike", deklaroi Madhi, duke theksuar se koha po kalon dhe komisioni i ngritur per reformen nuk ka rezultate konkrete. Nisur nga kjo, Arian Madhi kerkon qe partite duhet te rinisin punen pa humbur kohe me kete reforme, qe eshte edhe kusht per integrimin e Shqiperine ne NATO. Keshtu, PR propozon sistemin proporcional te personalizuar, si me i pershtatshmi per kushtet ne vend. Nga ana tjeter, ne propozimet e tyre theksohet se per nje perfaqesim sa me adekuat dhe ne perputhje me kerkesat kushtetuese, tavani i vendeve ne Parlament te behet i hapur. Po keshtu, PR kerkon qe reforma zgjedhore te percaktoje dhe menyren e renditjes se kandidateve te fituar nepermjet votes proporcionale. Nga ana tjeter, republikanet nuk vendosin nje prag elektoral, duke theksuar se ai duhet te jete produkt i bisedimeve te perbashketa mes partive politike.
F.Mejdini

Propozimet e PR-se per reformen zgjedhore:
Vleresojme qe sistemi aktual proporcional i personalizuar eshte aktualisht sistemi me i pershtatshem.
Per nje perfaqesim sa me adekuat dhe ne perputhje me kerkesat kushtetuese tavani i vendeve ne parlament te behet i hapur.
Reforma duhet te percaktoje dhe menyren e renditjes se kandidateve te fituar nepermjet votes proporcionale.
Te hapur per diskutim per pragun elektoral.
Pro konsensusit te arritur nga forcat politike per votimin me nje vote te vetme per kandidatin dhe partine, si nje menyre per te shmangur "Dushkun".
Komisionet zgjedhore te formohen nga nje numer i kufizuar anetaresh, deri ne 3 anetare. Anetaresia e tyre te sigurohet nepermjet nepunesve civile.
Keqadministrimi i procesit nga keto komisione te penalizohet me sanksione te renda deri ne humbje te se drejtes se tyre ne sherbimin civil.
Per te realizuar procesin e monitorimit t'i garantohet akses i plote vezhgimi, partive politike.
Te thjeshtesohet fleta e votimit dhe te rritet numri i grupeve te numerimit ne funksion te nxjerrjes sa me te shpejte te rezultatit zgjedhor.
Te hapur per te diskutuar opsionin per menyren elektronike te numerimit te fleteve te votimit.
Ne jemi per rishikimin e procedurave te apelimit te subjekteve zgjedhore mbi procesin. Per kete duhet ti kushtohet nje rendesi te vecante permbajtjes se kerkeses e cila nuk duhet te cenohet per shkak te anes formale te paraqitjes se ankimit.