PS: Berisha mashtron pensionistet, nuk jep shtesen e indeksuar sipas ligjit

Partia Socialiste ridenoncoi sot publikisht shkeljet qe sipas tyre ka bere qeveria me legjislacionin e pensioneve. Ilir Beqja ne emer te PS deklaroi se qeveria nuk po zbaton ligjin dhe nuk po u jep pensionisteve cfare u takoi per kete vit. Ai akuzoi Berishen se deklarimet e kreut te qeverise per reforma ne pensione jane thjesht demagogji. "Ështe kjo qeveri, qe ne menyre te perseritur, nuk ka zbatuar afatet e indeksimit te pensioneve, nuk i jep cfare u takon ish-ushtarakeve dhe se nuk indekson percaktimet ligjore, trajtimin e vecante te ish-minatoreve", ka qene deklarata e djeshme e nensekretarit socialist per programin e PS, Ilir Beqja. Sipas tij, mosmiratimi i koeficienteve te indeksimit te bazes se vleresimit vjetor individual, per llogaritjen fillestare te pensioneve, cenon ne menyre te drejtperdrejte mbi 6 mije pensionistet e qytetit te dale ne pension nga janari i ketij viti. "Keshtu, qeveria e Sali Berishes... nuk qe e afte te permiresoje nivelin e jeteses se pensionisteve por, nuk u jep ketyre te fundit as cfare u njeh ligji", tha Beqja. Funksionari socialist eshte shprehur se qeveria nuk ka zbatuar nenin 32 dhe 39 te ligjit per sigurimet shoqerore, ku pervecse per 40 muaj nuk qe e afte te permiresoje nivelin e jeteses se pensionisteve, nuk u jep ketyre te fundit as cfare u njeh ligji. Keto fakte tregojne se deklarimet e Sali Berishes per reforme te pensioneve jane vetem demagogji. "Partia Socialiste eshte e vendosur qe ne programin e saj te ri qeverises, pervec propozimit te nje reforme te re te pensioneve, te ofroje zgjidhje edhe per te korrigjuar shkeljet e legjislacionit te pensioneve ne dem te pensionisteve aktuale", tha ai.