Kodi, komision per "nenet" e Topit

Dy muaj per te korrigjuar dy nene ne Kodin Zgjedhor, qe Presidenti Bamir Topi e ktheu ne Kuvend. Konferenca e Kryetareve vendosi dje ringritjen e Komisionit te Posacem per Reformen Zgjedhore qe do te merret me permiresimin e Kodit, sipas verejtjeve te kreut te shtetit, per daten e zgjedhjeve. Por cuditerisht, me konsensus forcat politike i dhane 2 muaj mandat komisionit per riparimin e vetem dy neneve, kur nuk mund te harrohet se se fundmi mazhoranca eshte ankuar se miratimi i ligjit te zgjedhjeve po vonohet dhe do te ndikoje negativisht ne pergatitjen e tyre. Hap prapa apo jo, te gjithe kreret e grupeve parlamentare rane dakord. "Ngritja e Komisionit u vendos me konsensus te plote. Morem kete vendim ne zbatim te rregullores se Kuvendit", tha kryetari i grupi parlamentar demokrate, Astrit Patozi, duke shprehur angazhimin se Kodi do te korrigjohet sa me shpejt te jete e mundur. Duke nenvizuar se nderhyrjet e tjera ne Kod varen vetem nga vullneti i partive politike. Ndersa kryetarja e grupit socialist, Valentina Leskaj, u kujdes dje qe asnjera prej partive te vogla politike, te mos genjehet se rikthimi i Kodit Zgjedhor do te sherbeje per korrigjime te thella. "Komisioni u ngrit me konsensus dhe do te korrigjoje vetem nenet per te cilat e ktheu Presidenti. Rregullorja jep afatin fundor qe ka te beje me tete jave. Por, kjo s'do te thote qe komisionit te jete per kaq kohe", u shpreh Leskaj. Kryetarja e grupit me te madh te opozites, tha prere se nuk do te kete negociata per sa kohe qe dekreti i presidentit ben fjale vetem per nje ceshtje. "Absolutisht qe nuk ka negociata te tjera per sa kohe qe Dekreti i Presidentit ben fjale vetem per nje ceshtje dhe Komisioni do te shqyrtoje kete dekret. Pra, vendimi i konferences eshte qe komisioni te ngrihet per te shqyrtuar Dekretin e Presidentit. Dekreti i Presidentit ka te beje vetem me nje ceshtje", tha prere Leskaj. Duke mbyllur cdo ure komunikimi apo negocimi me partite e vogla te majta, kryesisht LSI, qe kerkojne shfrytezimin e kesaj mundesie per te rishikuar dhe njehere Kodin Zgjedhor, ne nenet per te cilat ata ankohen se cenojne voten e lire. Megjithate, vet periudha e gjate kohore ne te cilen mund te funksionoje komisioni, le hapesira per debate e diskutime. Zerin do e ngrene perfaqesuesit e partive politike LSI, PDK dhe PS '91, te cilet hyne dhe ne greve urie dhe deklaruan se nuk do e njohin kete ligj zgjedhor, nese nuk permiresohet. Ata kerkojne ndryshimin e perberjes se komisioneve zgjedhoren, ne menyre qe te mos perjashtohen nga e drejta e pasjes se nje anetari ne te.

2 Muaj Ështe afati maksimal i kohezgjatjes se punes se Komisionit te posacem per Reformen Zgjedhore, per te diskutuar dhe vendosur per dy nenet e kthyera nga Presidenti Topi, per Kodin Zgjedhor. Kuvendi do vendose te henen.