PS: Berisha, politike ne cdo dosje
Kryeministri Berisha ka shkaterruar cdo element te pavaresimit te sistemit te drejtesise, duke futur politiken e tij, ne cdo dosje gjyqi apo hetimi. Kjo eshte deklarata e kryetarit te Komisionit per Ligjet, Administraten e Sigurine, Ylli Manjani, i cili shprehu shqetesimin per nderhyrjet politike te Sali Berishes ne drejtesi. "Shqetesimit tone Sali Berisha i eshte pergjigjur me rritjen e sulmeve ndaj gjyqesorit, duke bere qe ky i fundit sot te perceptohet nga shqiptaret, gjithnje e me pak i besueshem. Per shkak te politikes se mbrapshte te Sali Berishes, ne menaxhimin e sherbimeve ligjore, sot gjykatat jane me teper fiksion, se sa realitet juridik", reagoi zyrtari socialist pas raportit te Bashkimit Evropian, per drejtesine ne Shqiperi. Sipas Manjanit, Ministria e Drejtesise e Sali Berishes, prej 4 vitesh sillet me arrogance te pashembullt ndaj cdo gjykatesi dhe prokurori, qe guxon te hetoje apo gjykoje korrupsionin e kryeministrit. "Kjo sjellje e qeverise, i ngjan me shume nje bande kriminale, sesa nje qeverisjeje, perfaqesuese te interesave legjitime te shqiptareve", kritikoi zyrtari i selise roze. Partia Socialiste ngre shqetesimin gjithashtu edhe mbi ligjet, te cilat u miratuan me konsensusin e dhene prej saj, duke theksuar se nuk paten suksesin e duhur. "Edhe ato dy apo tre ligje, qe u miratuan me konsensus politik, per shkak te frymes perjashtuese dhe antidemokratike qe Sali Berisha diktoi ndaj pushtetit gjyqesor, nuk paten suksesin e duhur", tha kryetari i Komisionit per Ligjet, Administraten dhe Sigurine, ne partine me te madhe opozitare. Selia roze shprehu shqetesimin e saj per ligjet e prodhuara me shumice nga shtatori i vitit 2005 e deri me sot ne legjislacion, duke i cilesuar si antikushtetuese dhe antidemokratike. D.Dedej