PS: Do votojme kunder ligjit te pergjimeve

Selia roze deklaron voten kunder dhe per ndryshimet e tjera ligjore qe qeveria kerkon te beje ne ligjin per pergjimin e telekomunikacioneve. Kryetari i komisionit te ligjeve ne PS, Ylli Manjani u ankua dje se me ndryshimet e fundit ligjore, kryeministri fiton te drejten qe te pergjoje kur te doje, telefonin e cdo shqiptari.“Ne vijim te nismave ligjvenese, anti demokratike qe qeveria e Sali Berishes ka ndermarre, sot gjendet ne Kuvend edhe nje projekt ligji, per ndryshime ne ligjin per pergjimet telefonike”, tha Manjani. Sipas tij, ne baze te ketyre ndryshimeve, qeveria ne pushtet fiton te drejten qe te pergjoje cdo lloj telefoni, sa here qe kjo te kerkohet nga Kryeministri. “Kjo do te thote se, cdo biznesmen, qe perdor telefonin per te bere biznes, duhet te llogarise se biseda e tij mund te merret nga qeveria dhe te perdoret kunder interesave te tij legjitime. Cdo gazetar qe raporton lajmin nepermjet telefonit, do t’i duhet te llogarise se lajmi me pare kalon nga kryeministri e cdo gjykates apo prokuror apo zyrtar qe konsumon biseda private ne telefonin e tij, do beje mire qe mos harroje te thote fjale te mira per kryeministrin, nese do te rrije ne pune”, komentoi Manjani, duke deklaruar votat kunder te Partise Socialiste ndaj ligjeve te tilla. Ai theksoi se cdokush qe perdor telefonin per te komunikuar, me te tilla ndryshime ligjore, duhet te mbaje ne konsiderate se do t’i duhet te ndaje biseden me Sali Berishen. “Dua te terheq vemendjen se ky qellim i Sali Berishes, bie ndesh me lirite dhe te drejtat themelore te shtetasve. Kushtetuta e vendit garanton te drejten e ruajtjes se jetes private te cdo shqiptari. I bejme edhe njehere thirrje mazhorances te ndaloje dhunimin qe qeveria i ben, lirive dhe te drejtave kushtetuese te shqiptareve”, reagoi Manjani. R.R.