PS, Imeraj: Demokratët largojnë vëmendjen nga kriza

“Njëri flet për trafikun, tjetri flet për grevën, një tjetër flet për Pezën dhe të gjithë flasin për të larguar vëmendjen nga kriza politike dhe ekonomike, ku Sali Berisha po e zhyt vendin përditë”, reagoi zëdhënësja Armela Imeraj. Sipas saj, Shqipërisë i duhet transparencë, “Sali Berisha ndalon hapjen e kutive të qeverisë”.

“Shqipërisë i duhet drejtësi, Sali Berisha ndalon votën e fshehtë në Kuvend. Shqipërisë i duhet mirëqenia, Sali Berisha ndalon rritjen ekonomike. Shqipëria sot nuk ka ato që i duhen, por qeveriset nga ata që nuk e duan.Fajin dhe përgjegjësinë e ka Sali Berisha”, vijon deklarata.