PS: Jo energji me cmim me te larte

Rritja e cmimit te energjise do te thelloje me teper varferine ne vend dhe do te ngreje dukshem cmimet e produkteve baze te konsumit. Per kete arsye, Partia Socialiste kritikoi dje ashper kerkesen me te fundit te Operatorit te Sistemit te Shperndarjes (OSSH), per rritjen e energjise elektrike per konsumatoret. Deputeti socialist, Ilir Beqja tha dje ne emer te selise roze, se "shtrenjtimi i pritshem me 23% i cmimit te energjise per konsumatoret, do te rendoje direkt ne buxhetet e familjeve te varfra, ato me te ardhura te pakta si dhe familjet me te ardhura te mesme". Por sipas Beqjes, "rritje per rrjedhoje do te pesoje edhe buka jo pak por me 5%", cka do te demtoje edhe me shume familjet shqiptare. "Partia Socialiste i kerkon Entit Rregullator te Energjise, te vleresoje me korrektesi e profesionalizem kerkesen e OSSH dhe i perserit kerkesen, qe te ushtroje kompetencat e tij qe, faturimi aforfe te nderpritet sa me pare", u shpreh deputeti socialist. Sipas tij, si Berisha ashtu edhe Meta, duhet te bejne ndryshimet e nevojshme ne buxhetin e shtetit, per vitin 2010, ne menyre qe rritja e cmimit te energjise, te mos perballohet vetem nga buxhetet familjare. Beqja u shpreh se rritje te cmimit te energjise, do te kete edhe per konsumatoret qe furnizohen me tension te ulet. Thene ndryshe, sipas tij, me 20 % pritet te rriten edhe kostot e energjise elektrike, per shumicen derrmuese te bizneseve te vogla, prodhuese apo tregtare. "Nga kjo rritje nuk perjashtohet as prodhimi i bukes. Nese energjia elektrike perben te pakten 30 % te kostos se prodhimit te bukes, shqiptaret duhet te pergatiten qe si dhurate per vitin e ri te blejne buken te pakten 5 % me shtrenjte", vijoi deputeti socialist. Ai shpjegoi se rritja e pritshme e cmimit te energjise per biznesin e vogel, do te ndikoje drejtperdrejt ne cmimet e mallrave dhe sherbimeve me pakice duke prodhuar kosto te reja shtese per buxhetet familjare shqiptare. "Sipas raportimeve zyrtare te qeverise shqiptare, kjo e fundit ka deshtuar ne dy vitet e fundit, ne skemen subvencionuese te rritjes se cmimit te energjise, ne mars 2007. Po sipas deklarimeve zyrtare, ne buxhetin afatmesem 2010 - 2012 nuk eshte parashikuar asnje qindarke, per skema te reja subvencionuese per rritjen e cmimit te energjise", tha Beqja. Ndaj sipas tij PS, do te vazhdoje te jete ne mbrojtje te shqiptareve, ne mbrojtje jo vetem te demokracise se cenuar rende nga cifti Berisha - Meta, por edhe te interesave te tyre sociale dhe ekonomike te cilat me sa duket nuk jane jo vetem ne axhenden e Sali Berishes, por as ne ate te Ilir Metes.

Kerkesa

Partia Socialiste, i kerkoi dje Entit Rregullator te Energjise, qe te vleresoje me korrektesi e profesionalizem kerkesen e OSSH dhe i perserit kerkesen qe te ushtroje kompetencat e tij qe faturimi aforfe te nderpritet sa me pare.