PS: Komisioni i njeanshem vetem thelloi krizen

Partia Socialiste vleresoi dje se nuk mund te kete kompromis, i cili themelet i ka ne veprime arbitrare, te ndermarra nen diktatin e kartoneve, qe jo vetem jane ne kundershti te plote me rregullat e parlamentarizmit, por perbejne edhe nje shkelje te hapur te ligjit dhe Kushtetutes. Permes nje komunikimi per mediat, nensekretari per Ceshtjet Ligjore ne PS, Damian Gjiknuri, deklaroi se ngritja e njeanshme e Komisionit Hetimor per zgjedhjet eshte nje akt provokativ dhe ka renduar me thelle krizen politike ne vend, pasi "vret" cdo mundesi kompromisi per zgjidhjen e krizes. Sipas tij, nuk eshte rastesi, qe edhe partneret nderkombetare e kane denuar nje veprim te tille, pasi per ta si per cdo demokraci te vertete, rregullat e sjelljes dhe vendimmarrjes ne Kuvend jane e vetmja garanci qe e bejne nje Parlament pluralist funksional. Ne te kundert, vleresoi deputeti socialist, Parlamenti rrezikon te kthehet ne nje farse sipas interesave te dyshes Berisha-Topalli, te cilet me aktin qe bene kerkojne medoemos ta mbajne opoziten jashte kuvendit. "Gjetja e kompromisit behet e pamundur per aq kohe sa mazhoranca, jo vetem ndermerr veprime per ngritje pseudokomisionesh hetimore, si ai i dites se premte, por edhe perpiqet me kokefortesi dhe pa asnje sens logjik, t'u mbushe mendjen partnereve nderkombetare se votimet politike te njeanshme mund te quhen kompromis",-tha Gjiknuri. Sipas tij, "vijimesia e kesaj sjelljeje kokeforte te qeverise, do ta beje kete te fundit plotesisht pergjegjese per perkeqesimin e krizes se demokracise ne vend". Ne komunikimet mediatike, PS e ka cilesuar Komisionin Hetimor per zgjedhjet e 28 qershorit si te njeanshem dhe ka refuzuar pranine e deputeteve te saj ne kete komision.