PS: Korrupsioni ka kapur shtetin
Mungesa e nje pergjigjeje nga ana e Kryeministrit Sali Berisha, per akuzat qe u jane bere per korrupsion zyrtareve te mazhorances, eshte cilesuar nga Partia Demokratike si shenje e kapjes se shtetit. Deputeti i PS-se, Eltar Deda, u shpreh dje, se kreu i qeverise duhet te jape nje pergjigje per aferat shume milioneshe te denoncuara nga opozita. Sipas tij, dy jane arsyet qe kane shpjegojne heshtjen e kryeministrit, Sali Berisha. “Ose kryeministri eshte i perfshire ne menyre te drejtperdrejte ne pasurimin korruptiv te pushtetareve e femijeve te tij, ne kurriz te qytetareve. Ose, ai vete eshte aq i kapur nga korrupsioni ne familje sa nuk guxon te hape kutine e Pandores te korrupsionit, ne qeverine qe ka zgjedhur vete dhe sot drejton”, u shpreh deputeti i PS-se, Deda. Duke ju referuar deklaratave te pasurive te Ministrit te Ekonomise, Dritan Prifti dhe bashkeshortit te deputet se PD-se, si dhe familjareve te Berishes, Deda u shpreh se keto raste flasin per kapje te shtetit. “Parate e Argites, 1 milione e gjysem eurot e Priftit, dhe 4 miliarde dollaret e Vokshit, flasin per kapje te shtetit”, u shpreh ai. Ne konferencen e dhene dje per mediat, deputeti i PS-se, u shpreh se zyrtaret e shtetit po punojne kunder interesave te qytetareve te thjesht. Per kete gje, Deda ka bere pergjegjes kryeministrin, Sali Berisha. “Faji i tij perpara te gjithe opinionit publik eshte i qarte, Sali Berisha, sot me teper se kurre eshte pjese e korrupsionit qe ka kapur shtetin”, tha Deda. Deklarata e deputetit te PS-se, i eshte shtuar qendrimeve te njepasnjeshme te Partise Socialiste ne lidhje me abuzimet qe jane bere me parate e shtetit. “Gjate ketyre tre javeve, te gjitha mediat dhe publiku, kane pasur mundesine vete te shikojne se nga kush qeverisen, se si jepen koncesionet e fondet publike, se si po falet pasuria e perbashket e te gjithe shqiptareve per te pasuruar te privilegjuarit e oborrit te pushtetit”, u shpreh Deda. Me pas, deputeti i PS-se ka permendur ne menyre specifike gjithe akuzat qe jane bere ndaj Ministrit te Ekonomise dhe deputetes se PD-se. Deda theksoi, se zyrtaret e larte kane shperdoruar detyren, duke i vjedhur buxhetit te shtetit miliona leke. “Te dy keto, jane raste te pastra te konfliktit te interesit me postin publik. Te dy, jane raste te pastra korrupsioni, kur pushtetare perfitojne miliona si pasoje e shperdorimit te detyres”, u shpreh Deda. Por ne nje kendveshtrim me te gjere, sipas deputetit te PS-se, rastet e abuzimeve do te sjellin probleme dhe per marrjen e liberalizimit te vizave, duke qene se qeveria nuk ka permbushur detyren e saj per luften ndaj korrupsionit. “Te dy, jane raste qe ne vazhden e luftes kunder korrupsionit, kerkese themelore e Bashkimit Evropian per liberalizimin e vizave dhe zotim publik te Sali Berishes per tre fushata elektorale, duheshin hetuar e vene perpara drejtesise” u shpreh Deda.