PS-PD, ne lufte per Bashen
Prej me se dy javesh, dy partite e medha politike PD-PS jane ne "lufte", per hetimet mbi rrugen Durres-Kukes dhe rolin e ish ministrit te Transporteve Lulezim Basha ne perdorimin e fondeve. Deputeti socialist, Taulant Balla, tha dje se si Basha ashtu edhe kryeministri Sali Berisha, po mundohen me cdo menyre qe te mbrojne 380 milione euro vjedhje qe kane bere. "Shqiperia eshte i vetmi vend ne bote, qe vazhdon te mbaje Minister te Jashtem nje te pandehur per vjedhje, nje drejtor tatimesh i pandehur per rrembim dhe zhdukje personi, ministra apo ish-ministra ne hetim per favorizim korrupsioni dhe trafiku armesh", akuzoi Balla. Sipas tij, Basha sot nuk ka imunitet kushtetues, por atij i ofrohet imunitet politik nga kryeministri, te cilin Balla e krahasoi me ish-Kryeministrit tailandez Taksin Shinauatra. "Fundin do ta kene te njejte", u shpreh ai. I menjehershem ishte reagimi i zedhenesit te PD-se, Gerti Bogdani. Sipas tij, sulmet e PS-se per rrugen Durres-Kukes, vijne vetem nga Edi Rama. "Njeriu qe i vari ne gjoks celsat e Bashkise se Tiranes, Bregovicit per urrejtjen e tij primitive ndaj shqiptareve te Kosoves", replikoi Bogdani. Ai e quajti Ballen, ish-trafikant te vizave dhe qenieve njerezore, qe dje beri shpifjen e radhes per korridorin e Shqiptareve. "PD denon farsen e ulet te shpifjeve dhe trillimeve te z. Rama dhe shpures se tij, dhe shpreh mbeshtetjen e plote dhe totale per realizimin ne kohe te ketij projekti te paperseritshem ne historine e vendit", vijoi Bogdani. Po ne emer te selise roze, Balla vijoi akuzat se per te lare vjedhjet e bera, si Basha ashtu dhe Berisha po mundohen te perdorin patriotizmin si detergjent dhe seksere serbe si lavatrice. Sipas Balles, nga ekspertiza ne kuader te hetimeve te prokurorise, rezulton se vetem permes dhe ne bashkepunim me te pandehurin Basha, ne nje aks te vetem rrugor, Sali Berisha ka perfituar 230 milione euro. Po keshtu edhe nga tenderat e blerjes se energjise elektrike, nga te cilat nje pjese e mire jane kryer me sekserin serb Fazllic, ka perfituar 50 milione euro. Para te shumta sipas socialistit, kryeministri ka perfituar dhe nga shitja e pasurive shteterore me nje euro, biznesi i trafikut te armeve dhe privatizimet e paracaktuara te pasurive shteterore. Rozeta Rapushi