PS: Protestat, ne bashke me ish-ushtaraket

Partia Socialiste u kthen “nderin” ushtarakeve. Nje dite pasi ushtaraket deklaruan se do te dalin ne protesta per pensionet e tyre, por do te bashkohen dhe me protestat e opozites per drita, uje e punesim, nenkryetari i Grupit parlamentar socialist, Erion Brace, tha se PS do i bashkohet sot protestes se ushtarakeve. “Grupi parlamentar i Partise Socialiste vendosi te mbeshtese shoqatat e ish-ushtarakeve te liruar”, tha dje Brace. Sipas tij, deputetet e mbeshtetesit e PS-se do te jene sot ne shesh se bashku me ushtaraket ne mbrojtje te tyre per mosmiratimin nga ana e qeverise te projektligjit per sigurimet shoqerore te kesaj shtrese. Brace nuk harroi te permende se opozita u perpoq te rriste me rreth 800 milione leke buxhetin e shtetit per vitin 2008 per kete kategori. “Por ky propozim u kundershtua nga mazhoranca ne pushtet”, theksoi nenkryetari i Grupit socialist, sipas te cilit argumenti i qeverise ishte se kishin ndermend te demshperblenin shtresa te tjera, duke “i kaluar” majtas ish-ushtaraket. Nje bashkepunim i tille eshte i pershtatshem per opoziten, duke qene se ish-ushtaraket jane nje numer i konsiderueshem zgjedhesish. Vetem nje dite me pare, presidenti i Shoqates se Ushtarakeve, Mehdi Pogace, komunikoi vendimin e shoqatave per protesta qe do te nisin pikerisht sot me 14 dhjetor. Por, Pogaci paralajmeroi nga ana tjeter se protestat do te jene te perditshme kunder qeverise, derisa ajo te miratoje projektligjin per pensionet e tyre. Sipas presidentit te shoqates, nese kerkesat e ushtarakeve nuk do te plotesohen, te gjithe ushtaraket do te mbeshtesin cdo lloj proteste, qofte ajo per problemet e mungeses se energjise elektrike, ujit, luftes kunder korrupsionit, informalitetit ne ekonomi, nepotizmit, trafiqet e paligjshme apo varferise. Sipas tij, nese edhe pas protestave nuk do te kete reagim nga ekzekutivi, ushtaraket do te informojne mbi keto qendrime perfaqesuesit dhe drejtuesit e NATO-s, BE, si dhe perfaqesite diplomatike ne vend.
R.Rapushi