PS: Qeveria te heqe barren fiskale per biznesin e vogel

Partia Socialiste i ka kerkuar dje Qeverise, qe ne kete periudhe krize, te heqe per biznesin e vogel, por jo vetem per te, te gjithe barren fiskale antiligjore te vendosur nepermjet sistemit te referencave, te heqe praktikat antiligjore, qe u cakton bizneseve pagat, cmimet e shitjes dhe blerjes, numrin e te punesuarve, rentabilitetin etj. Deklarata u be dje nga deputeti i kesaj partie, Shpetim Idrizi, i cili shprehu shqetesimin per situaten e renduar ne te cilen ndodhet biznesi i vogel. "Kjo situate e renduar, mbi biznesin e vogel, eshte pasoje e drejtperdrejte e politikave te gabuara fiskale dhe efekteve te krizes ekonomike, te cilen Qeveria ben sikur nuk e sheh", u shpreh Idrizi. Ai kujtoi se Qeveria aktuale, nje nga premtimet me te bujshme, ne fushaten elektorale te vitit 2005, kishte pergjysmimin e takses per biznesin e vogel nga 3 % ne 1.5 % te xhiros. "Por vetem 2 vjet me pas, po kjo Qeveri u vendosi me ligj, ne kuadrin e takses se sheshte, nje tatim te ri, Tatimin mbi te Ardhurat, e kjo ne nivelin e 10 %, duke ja u rritur ne kete menyre barren fiskale biznesit te vogel me 300 %. Madje te barabarte me tatim fitimin e biznesit te madh dhe VIP", tha deputeti i selise roze, duke kerkuar qe Qeveria t'i kthehet parimit themelor te administrimit fiskal, vetedeklarimit. Idrizi siguroi se pas 28 qershorit do t'i japin fund praktikave fiskale antiligjore e korruptive, qe rendojne bizneset dhe xhepat e shqiptareve.