Qeveria: Pse ndryshohet ligji per taksat vendore
Ky akt normativ propozohet ne mbeshtetje Kushtetutes. Ne kuadrin e reformave te thella fiskale dhe reformave ne teresi, ne vitin 2006, u be realitet nje aspekt i rendesishem i kompetencave te decentralizimit te organeve te qeverisjes vendore, ku u transferua e drejta dhe pergjegjesia e mbledhjes dhe administrimit te takses se biznesit te vogel. Organet e qeverisjes vendore, bashkite dhe komunat, tashme prej me shume se dy vitesh, mbledhin dhe administrojne taksen e biznesit te vogel, si dhe taksat te tjera, te vendosura ne ligjin "per taksat vendore" apo edhe taksa dhe tarifa te tjera vendore, te caktuara me vendim te Keshillit Bashkiak apo taksa me karakter te perkohshem. Ne situaten aktuale kur ekonomia boterore po perballet me krize te thelle financiare, dhe qeverite e vendeve te ndryshme po ndermarrin reforma te thella fiskale ( kryesisht ulje taksash) per perballjen e pasojave te krizes, me qellim marrjen e masave parandaluese nga efektet e krizes, po parafitet ky akt normativ, i cili i vjen ne ndihme biznesit te vogel, per menjanimin e pasojave qe mund te rrjedhin nga disa praktika qe jane duke u evidentuar ne shume organe te qeverisjes vendore ( bashki dhe komuna) te vendit, ku nisur nga kompetencat qe ju jep ligji, duke lejuar diskrecionin 30% mbi nivelin ekzistues te taksave, apo vendosjen e taksave me karakter te perkohshem, po aplikohen nivele te larta taksash, duke rezultuar ne nje barre te rritur fiskale per biznesin e vogel. Akti normativ i propozuar, ul nivelin e diskrecionit te organeve te qeverisjes vendore per vendosjen e taksave nga 30% qe eshte aktualisht ne 10%. Ky ndryshim, nuk duhet kuptuar si nje nderhyrje e organeve qendrore ne kompetencat e organeve vendore, por vetem si nje mase me karakter mbrojtes dhe parandalues, ne mbeshtetje te biznesit te vogel, ne rrethanat e sotme, kur pothuajse ne te shtetet po aplikohen politika fiskale ne ndihme te biznesit. Keto bashki apo komuna, do te kene nevoje te rishikojne programet e tyre buxhetore, per te reflektuar keto ndryshime.