PS: Situata ekonomike ne gjendje te rende

Partia Socialiste ka shprehur dje shqetesimin per situaten ekonomike ne vend. Ne nje deklarate te bere ne cilesine e perfaqesuesit te zyres se kryeministrit te zgjedhur, sekretari per Programin, Ilir Beqaj u shpreh se situata ekonomike po demtohet dhe nga keqadministrimi qe po behet gjate muajve te fundit. “Nuk eshte me lajm per askend se gjendja e rende e financave publike dhe honi i thelle qe po krijon keqadministrimi fiskal ne Shqiperi, perben nje nga sfidat kryesore qe do te adresohen nga qeveria e zgjedhur ne 23 qershor”,- u shpreh Beqaj. Duke u ndalur ne shifra, Beqaj tha se doganat dhe tatimet kane arketuar 150 milione dollare me pak sesa ishte programuar. Ndersa ka shtuar se mos realizimi i te ardhurave pritet te shkoje deri ne 400 milione dollare. “Situata eshte e veshtire. Ne 5 muajt e pare te vitit nga tatimet dhe doganat jane arketuar 150 milione dollare me pak se programi i fillimvitit. Vetem ne muajin qershor mosrealizimi eshte shtuar edhe me rreth 50 milione dollare te tjere. Me keto ritme, dhe duke pasur parasysh gjendjen e veshtire te ekonomise, ekspertet tane parashikojne qe mosrealizimi te arrije ne 400 milione dollare deri ne fund te vitit”,- u shpreh Beqaj. Sipas tij, nje “tjeter shifer e rende” eshte dhe “ezauruarimi i plot 90% te deficitit buxhetor vjetor”. Nisur nga kjo situate, Beqaj ka kerkuar nga qeveria e Partise Demokratike qe deri ne kohen qe eshte ne detyre te mos marre vendime qe demtojne financat e shtetit. “Ne keto kushte, me legjitimitetin dhe autoritetin qe buron nga vota e plot 1 milion shqiptareve qe kane votuar per qeverine e koalicionit, i kerkojme Ministrise se Financave si ministri qe ka pergjegjesine jo thjesht morale, por edhe ligjore, te kujdestarise mbi financave te shtetit shqiptar deri ne betimin e qeverise se re qe: Te beje publike sa me pare treguesit fiskale sipas buxhetit te konsoliduar per 6 muajt e pare te vitit; Te ushtroje detyrat ligjore ne administrimin e mbledhjes se detyrimeve tatimore dhe doganore”,- u shpreh deputeti Beqaj. Gjithashtu, Beqaj ka kerkuar nderprerjen e projekteve qe rrisin borxhin e vendit dhe qe Ministria e Financave te garantoje pagesat. “Te nderprese cdo lloj negociate ne vijim per kontrata e projekte me financues te ndryshem qe rrisin borxhin e jashtem te Shqiperise. Te garantoje qe ne periudhen 12 – 30 korrik 2013, gjate se ciles do te behet upgrade i sistemit automatik te thesarit, te garantohen pagesat e ndihmes ekonomike, pagesat e perfitimeve te personave me aftesi te kufizuar, pagesat e pensioneve dhe pagesat e rrogave”,- u shpreh sekretari per programin dhe deputeti Ilir Beqaj.