PS: Topi, sqaro skandalin “Cici”
Skandal e kane cilesuar socialistet ne opozite mungesen e transparences se dekreteve te Presidentit. Pikerisht diten e botimit ne gazeten “Koha Jone” te dekretit te Presidentit Topi, qe lironte nga detyra e ambasadorit te jashtezakonshem dhe fuqiplote ne Bosnje- Hercegovine te keshilltarit te tij diplomatik, Arben Cici, pese muaj pas emerimit te tij prane kreut te shtetit, ka reaguar kryetari i komisionit te politikes se jashtme ne PS, Taulant Balla, i cili ka kerkuar shpjegime per kete skandal. “Personalisht vleresoj se ceshtja “Cici” rinxjerr ne pah mungesen e transparences se dekreteve presidenciale. Nese per dekretin e shkarkimit te Sollakut, Presidenti dhe stafi i tij nxituan te gjejne argumente te dyshimta, per ceshtjen ne fjale, zoti Topi dhe Ministria e Jashtme duhet te marrin pergjegjesite per kete skandal ne diplomacine shqiptare”, ka qene deklarata e djeshme e socialistit Balla. Per te cilin eshte e patolerueshme nje mungese e tille transparence, pikerisht ne kupolen e shtetit. Por, drejtuesi i larte socialist nuk eshte ndalur ne argumentimin e akuzave te tij, teksa ka kerkuar me insistim nga dy institucionet me te larta qe merren me propozimin dhe dekretimin e emerimit dhe te shkarkimit te ambasadoreve, qe te shpjegojne vonesen 5-mujore te zevendesimit te ambasadorit tone ne Sarajeve. Duke plotesuar ne kete menyre dhe parametrat e duhur te te quajturit skandal ne kupolen me te larte te shtetit. “Jane pikerisht keto dy institucione qe kane kompetencat per emerimin e ambasadoreve dhe ato duhet te japin shpjegime per vonesen pese mujore ne zevendesimin e zotit Cici, qe nga momenti kur ky i fundit u emerua ne nje pozicion te papajtueshem me ate te ambasadorit te jashtezakonshem dhe fuqiplote te Republikes se Shqiperise ne Sarajeve”, vijon argumentin e tij kryetari i komisionit te jashtem socialist, deputeti Balla. Gjithe debate ka lindur per shkak te nje dekretit me numer 5532 te Presidentit Topi, nepermjet te cilit me 4 dhjetor te ketij viti lironte nga detyra e ambasadorit ne Bosnje-Hercegovine pikerisht keshilltarin e tij diplomatik, Arben Cici, i cili ushtronte prej pese muajsh zyrtarisht te dyja funksionet. Per me teper qe dekreti ishte botuar vetem ne Fletoren Zyrtare dhe jo ne faqen zyrtare te Presidences.
A.G