PS: Vjedhje me faturat e KESH
Socialistet akuzuan fort qeverine dhe OSSH, per vjedhje masive te shqiptareve me faturat e energjise elektrike. Sipas nensekretarit per programin Ilir Beqja, muaji dhjetor sipas faturave te shperndara shqiptareve figuron me 43 dite, nje skandal per te, qe eshte i faktuar nepermjet faturave te bera publike dje para medieve. Ne nje konference per mediat, funksionari i larte socialist denoncoi publikisht vjedhjen, qe sipas ketij subjekti po u behet shqiptareve nga qeveria dhe OSSH. Nensekretari per programin Ilir Beqja, beri te ditur se "Ne muajin dhjetor OSSH e thelloi grabitjen. Sipas faturave te muajit dhjetor, periudha e faturimit nuk eshte 31 dite, por 43 dite duke rritur ne menyre abuzive pjesen e konsumit mujor mbi 300 kilovat. Pra, per cdo kilovat te konsumuar ne 13 ditet e fundit te periudhes se faturimit, OSSH ka grabitur familjet shqiptare me 5 leke, ndersa administrata tatimore, ka grabitur familjet shqiptare me 1 lek tatim mbi vleren e shtuar. Kjo grabitje sistematike eshte shprehje e qarte e sjelljes korruptive dhe abuzive, qe qeveria e kryeministrit Berisha, ka instaluar keta 42 muaj". Beqja theksoi se edhe pas 42 muajsh qeverisje, kryeministri Berisha nuk permbushi premtimet qe i beri shqiptareve per energjine elektrike. "Sali Berisha premtoi furnizim pa nderprerje te energjise elektrike dhe pas 42 muajsh, qe i paafte ta permbushe kete angazhim. Sali Berisha premtoi perfundim te faturimit afrofe te energjise elektrike dhe pas 42 muajsh qe i paafte ta permbushe kete angazhim", ka qene deklarata e nensekretarit socialist Beqja, teksa ka evidentuar sipas tij tere arsenalin e vjedhjes se shqiptareve, ne cdo element, ne cdo vend ku ka sportel dhe ku duhet paguar dhe duke ua bere jeten te veshtire e te pa jetueshme. Sipas nensekretarit socialist, qeveria e Sali Berishes vonoi per dy vjet ndertimin e TEC-it te Vlores, pavaresisht se financimi ishte dhene qe ne kohen e qeverisjes socialiste, nderkohe qe nuk ishte e afte dhe te perfundonte linjen e interkoneksionit me Malin e Zi. "Dhe si te mos mjaftonin telashet qe kane shqiptaret ne furnizimin me energji elektrike, qeveria e Sali Berishes, nepermjet mashes OSSH, grabit sistematikisht buxhetet familjare shqiptare me faturat e energjise elektrike", deklaroi ai. Ne emer te PS, Beqaj i kerkoi kryeministrit te mos zhytet me thelle ne grabitje, ne keta me pak se 6 muaj qe i kane mbetur ne detyre, nderkohe qe ka perseritur kerkesen ndaj Entit Rregullator te Energjise, te garantoje zbatimin e perpikte te vendimeve te tij, qe kane te bejne me cmimin dhe menyren e vjeljes se te ardhurave nga konsumatoret e energjise elektrike. Publikimi i faturave amorfe te energjise qe shkonin nga 36 ne 43 dite, vetem e vetem per te marre ne menyre te paligjshme nga qytetaret shtesen mbi 300 kilovat, perben nje skandal me vete per KESH-in. S.P