PS, dorezon ankesat ne Kolegj

Partia Socialiste dorezon ne Kolegjin Zgjedhor, ankesat kunder vendimeve te dhena nga Komisioni Qendror i Zgjedhjeve, per rezultatet ne disa qarqe te vendit. Ashtu sic premtoi, selia roze kundershtoi vendimin e marre per Qarkun e Beratit. Sipas kesaj force politike, ne menyre te pa drejte dhe ne kundershtim me ligjin, KQZ nuk mori parasysh faktet dhe provat qe u paraqiten per problemet ne kete qark. Sipas selise roze, ne menyre arbitrare ky institucion rrezoi ankesen per rinumerimin e te gjitha votave ne qendrat e votimit ne KZAZ-ne numer 1, por edhe ne ate 2 dhe 3 ne Qarkun e Beratit. Socialistet shpresojne se Kolegji Zgjedhor, institucioni i vetem qe ka te drejte te rrezoje vendimet e KQZ-se, te vleresoje provat dhe te mundesohet rivleresimi i votave ne kete qark. Rivleresim qe sipas te majteve, do te ndryshonte raportin e deputeteve ne favor te PS-se ne kete zone. Po keshtu u dorezua dhe ankesa per Qarkun e Tiranes. PS kerkon nga Kolegji qe te zhvleftesoje vendimin e KQZ-se, rivleresim te votave ne KZAZ-te numer 55, 56, 57, 58, 59 dhe 60 ne kryeqytet. Ne keto KZAZ, socialistet pretendojne se ka pasur parregullsi te medha dhe eshte deformuar rezultati. Ndaj sipas tyre, KQZ duhet te kryente hetimin administrativ. Dy ankesat e bera ne Kolegjin Zgjedhor, sipas perfaqesuesit te PS-se ne Komisionin Qendror te Zgjedhjeve, Genc Gjoncaj, pritet te shqyrtohen javen e ardhshme. Nderkohe qe sipas tij, nuk do te lihet pas dore edhe Qarku i Shkodres. Edhe per kete qark, Partia Socialiste pretendon rivleresim dhe rinumerim te votave. Sidomos ne ato qendra votimi ku rezulton se PS, nuk ka marre as edhe nje vote. Duke qene se vendimi per Shkodren u more vetem dy dite me pare nga KQZ, selia roze ka ende edhe disa dite kohe per te ankimuar vendimin e KQZ-se.

Animimin e vendimit te KQZ-se, per te mos nisur nje hetim administrativ per Shkodren dhe rivleresim te votave ne qendrat problematike, e paralajmeroi dje dhe nenkryetarja e komisionit, Deshira Subashi. Shqyrtimi i ankesave te partive politike ne Kolegjin Zgjedhor, pritet te zvarrise edhe per disa kohe, shpalljen e rezultateve perfundimtare te zgjedhjeve. Kryetari i KQZ-se, Arben Ristani, ka pohuar se vetem ne ditet e para te muajit gusht, mund te shpallet rezultati i zgjedhjeve. Kjo per faktin se partite politike, vijojne te ankohen ndaj tij. R. Rapushi

Padite kunder:

Vendimit te KQZ-se per shpalljen e rezultatit ne Qarkun e Beratit, pa hapjen e kutive dhe rivleresim te votave ne zonat problematike.

Vendimit te KQZ-se per shpalljen e rezultatit per Qarkun e Tiranes, pa marre ne konsiderate te rivleresimit ne disa KZAZ.

Vendimit te KQZ-se, per shpalljen e rezultatit te Qarkut te Shkodres, pa u marre ne konsiderate qendrat problematike.