PS-ja bllokon projektligjin për Gjykatën e Lartë

Komisioni i Ligjeve sërish shtyn shqyrtimin e projekt-ligjit. PS-ja, kushte të tjera politike

Deputetët e opozitës në komisionin e Ligjeve bllokuan shqyrtimin e projekt-ligjit “për Gjykatën e Lartë”, duke kushtëzuar miratimin e me përfundimin e reformës parlamentare dhe zbatimin e vendimeve të gjykatës për zhbllokimin e situatës në Këshillin e qarkut të Fierit. Nënkryetari i komisionit, deputeti socialist Fatmir Xhafaj, duke shprehur kërkesat e opozitës, u shpreh ligji “Për Gjykatën e Lartë” duhet të ribërë nga e para. 
Nga ana e tij kryetari i komisionit të Ligjeve, Ilir Rusmali akuzoi opozitën se po bëhet pengesë për shqyrtimin e këtij projekt/ligji, ndërsa theksoi se socialistët gjetën si argument planifikimin e një axhendë personale, e cila sipas tij është më e rëndësishme se integrimi i vendit  “Për kushtin tuaj të parë, ne nuk zbatojmë vendime gjykatash janë strukturat e posaçme për të, ne vetëm shqyrtojmë ligje. Asnjë justifikim kur konferenca e kryetarëve na thotë mos u hallakatni dhe këtu bëhet e kundërta. Argumenti i dytë nuk bën ligji, jepni ide se si duhet bërë ligji. Nuk zgjidhet problemi duke parë njëri- tjetrin në sy, po duke sjellë amendamente. Ne e dimë përse bëhet bllokimi po mos na thoni ka një hall Gramozi dhe ne se miratojmë më. Si zgjidhim dot hallet e Gramozit, detyra jone është të përmbushim axhendën e integrimit të ecim para dhe jo të nxjerrim pengesa”, deklaroi Rusmali.
Ndërkohë, Xhafaj si replikë theksoi: “ Kini respekt për kreun e grupit tonë parlamentar. Ne u kemi thënë me kohë zhbllokoni qarkun e Fierit, ne na ka gjetur halli kur ua sjellim amendamentet, pasi i bëni sipas jush kur nuk ua sjellim thoni pse si sillni”. e menjëhershme ka qenë kundër replika e kreut të komisioni Rusmalit: “Nuk mund të gënjehemi ne nga justifikimi juaj për Gjykatën e Fierit, por mos filloni me të Beratit pastaj, do gjeni justifikime se doni patjetër ta bllokoni. A ka ndonjë prej jush që ti shqyrtojmë amendamentet apo se keni lexuar akoma”, tha Rusmali.
Ai ka ripërsëritur rëndësinë e ligjit në fjalë në procesin e integrimit, i kërkoi deputetëve të PS-së të paraqesin amendamente për p/ligjin. “A keni amendamente për të paraqitur në komision. Nëse jo është dikush atëherë që do ta bllokojë ligjin. Jepini emrin që i takon, ky është bllokim, jini të sinqertë”, iu drejtua Rusmali deputetëve të majtë.
Ministri i Drejtësisë, Eduard Halimi i tërhoqi vëmendje opozitës se ndërkombëtarët bëjnë thirrje për miratimin e këtij ligji, ndërkohë që opozita ka 6 muaj që e ka ligjin për Gjykatën e Lartë në tavolinë. 
“Ndërkombëtarët thirrje për miratimin e këtij ligji. Keni 6 muaj që e keni ligjin në tavolinë për Gjykatën e Lartë. Ju mjafton emërimi i gjyqtarëve me 3/5, jo kriteret. Kjo që kërkoni ju nuk është reformë por është pazar”, deklaroi Halimi.
Më pas, opozita refuzoi të marrë pjesë në shqyrtimin e p/ligjit “Për administratën publike”, duke bojkotuar mbledhjen e komisionit.
Megjithatë maxhoranca vijoi e vetme diskutimin në Komisioni parlamentar për Çështjet Ligjore për dy projektligje të rëndësishme: “Për organizimin dhe funksionimin e administratës shtetërore” si edhe “Për nëpunësin civil”. Këto projektligje synojnë vendosjen e rregullave të reja teknike për mbarëvajtjen profesionale të këtyre shërbimeve. Të dy draftet qartësojnë kriteret e punësimit, duke i dhënë atributet përkatëse punonjësve të shërbimit civil dhe atyre të administratës publike dhe duke vlerësuar meritën si një kriter të rëndësishëm në këtë proces.