PS, nisin protestat javen e ardhshme
Protestat e opozites fillojne javen tjeter ne te gjithe vendin. Te pavarura nga qendra, keto protesta do te jene ne te gjitha qendrat e bashkive te medha dhe te vogla, dhe do te kete nje game te madhe problemesh, qe kane te bejne me nevojat e qytetareve shqiptare, drita, uje, permbytjet, ndihma ekonomike etj. Nje vendim i tille eshte marre dje gjate takimit te kryetarit socialist, Edi Rama me sekretaret e keshillave socialiste te rretheve dhe kryetaret PS-se, te bashkive qender qarku. Nderkohe qe ne lidhje protestat per transparencen e zgjedhjeve gjithcka varet nga vendimi qe mund te merret ne Kuvend, pas debatit qe ka qe di dite qe ka filluar dhe ku debatohet per hapjen ose jo te kutive. Kerkese kjo e precizuar ne dy projektligjet e depozituara nga ana e Partise Socialiste ne Kuvend, si kusht per te qene prezente me tej dhe per te dhene konsensusin per reformat e medha integruese. Burime brenda takimit bejne me dije se sekretaret e PS te keshillave te rretheve si dhe kryetaret e PS per bashkite qender qarku kane qene te mendimit qe protestat te jene ne te gjithe vendin dhe te jene kryesisht per problematiken qe shqeteson zonat perkatese, sipas qarqeve, rretheve dhe bashkive. Nuk do te kete nje drejtim qendror, cka do te thote se nuk do te jete domosdoshmerish prezent kryetari i Partise Socialiste Edi Rama, per te marre permasat e protestave te medha, sic ka ndodhur para se veriu te permbytej ne fund te vitit. Rama, pritet te jene ne ndonjeren nga protestat qe do te zhvillohet ne bashkite qender qarku, nderkohe qe protestat ne forme ngacmimi per furnizimin me uje, drita, per permbytjet, kunder varferise, rreshqitjen dhe ceshtjen e pronave, rritjen e cmimeve te energjise, ushqimeve, krizen ekonomike por dhe probleme te tjera te jene prezente ne menyre te vazhdueshme, cdo dite. Mesohet se duke filluar nga java e ardhshme do te nisin keto protesta, te cilat do te vene perpara presionit te madh qeverine, e cila do te duhet te perballoje nje presion te tille jo ne menyre te grumbulluar por te shperndare ne tere vendin, duke pasur trajtat e bllokimi total te jetes politike, ekonomike dhe sociale te vendit, cka mund te perkthehet deri ne mosbindje civile. Nepermjet ketyre protestave, te cilat do te kene me teper nje dimension social, jashte sferes politike dhe jashte menyres se organizimit nga qendra e PS, nuk perjashtohen dhe thirrjet per largimin e kryeministrit Berisha, duke e etiketuar ate si shkaktarin e te gjithe kesaj krize politike, ekonomike dhe institucionale, ku sipas drejtuesve socialiste vendore dhe qendrore eshte zhytur vendit. Nga ana tjeter, nese nuk arrihet ndonje rezultat nga dialogu mes partive politike ne Kuvend ose dhe pas takimit me komisionarin per zgjerimin ne Komisionin Evropian, Stefan Fule, atehere protestat do te marrin nje shtrirje akoma me te gjere dhe do te shoqerohen tashme, jo me kerkesen per hapjen e kutive dhe transparencen e zgjedhjeve, por me kerkesen per largimin e Berishes dhe qeverise dhe zgjedhjet e parakohshme ne vend. Nje kerkese e cila ka brenda dhe kerkesen per transparencen e ketyre zgjedhjeve, dhe parandalimin e vjedhjes se votes ne te ardhmen, ku sipas socialisteve, per sa kohe qe Berisha te jete ne krye te qeverise, as qe mendohet te realizohet. Gjithsesi "sezoni" i protestave ka filluar. Ja.Ma