PS, rregullore të re për Kuvendin

Në kuadër të kursit të ri politik socialistët kanë shtruar si domodoshmëri, që kjo gjë të funksionojë edhe në Kuvend, duhet edhe miratimi i një rregulloreje të re të këtij institucioni. Kryetarja e Komisionit parlamentar të Integrimit, Ermelinda Meksi duke folur lidhur me nevojat e një sërë reformash, që do të ndihmonin procesin integrues, bën të ditur se për këtë është e nevojshme dhe një reformë parlamentare, që duhet të nisë nga ndryshimi i rregullores së Kuvendit. Për këtë qëllim, ajo bën të ditur se Partia Socialiste është duke hartuar një projektrregullore të re të këtij isntitucioni, e cila do ti paraqitet mazhorancës për miratim. “Opozita po punon për të prezantuar një draft alternativë për rregulloren parlamentare, e cila synon të adresojë me prioritet çështjet integruese, duke patur një frymë gjithëpërfshirje, por duke kërkuar edhe një transparencë të buxhetit dhe në mënyrë të vecantë, shpenzimet buxhetore”, - u shpreh Meksi.