PS, sot ngre shtabet elektorale
TIRANE - Kryesia e Partise Socialiste do te mblidhet pasditen e sotme, per te vendosur ngritjen e shtabeve elektorale qe do te pergatisin socialistet per zgjedhjet e reja parlamentare, qe do te zhvillohen ne qershor te vitit te ardhshem. Kryetari i selise roze, Rama, ne oren 16.00, menjehere pasi te perfundoje takimet e fazes se dyte ne kuader te turit "Dialog me Shqiperine" ne Lezhe, do te diskutoje ne kryesine e partise skemen e ngritjes se shtabeve elektorale per 12 qarqet e vendit, ne funksion te fitores se kesaj partie ne zgjedhje. Ne mbledhjen e sotme pritet te behet dhe rindarja e te deleguarve te kryesise se partise, nderkohe qe ata do te jene dhe inspirues te shtabeve elektorale ne te gjitha rrethet si dhe drejtues te tyre. Ne perberje te ketyre shtabeve elektorale, qe do te fillojne nga "qeliza" e PS, me nje organizim sipas qendrave te votimit, e deri ne baze qarku do te jene kandidatet e listes shumeemerore per deputete, anetaret e kryesise, drejtuesit vendore, ish-deputete te PS, ish-kryetare komune, bashkie apo qarku, perfaqesues te PS-se ne keto zona, por dhe veprimtare te tjere, perfshi dhe shoqerine civile. Por perpara se te perfshihet ky kontingjent ne perbere te shtabeve elektorale, kryetari socialist Rama do te ndermarre nje tur takimesh me te gjithe keta persona, te cilet ne zonat e tyre kane mbeshtetje te forte. Nderkohe qe po ne mbledhjen e kryesise do te diskutohet dhe per riperteritjen e strukturave te bazes se partise dhe pergatitjen e PS per zgjedhjet e vitit 2009. Ne mbledhjen e kryesise diten e sotme do te jepet dhe nje informacion i plote per punen e kryer per reformen zgjedhore, ku relatoret e ngarkuar per kete qellim do te informojne anetaret e ketij forumi per qendrimin e metejshem qe do te mbahet. Pritet te kerkohet dhe qendrimin ndaj aleateve te mundshem pas perfshirjes ne Kod te koalicioneve te perbera. A.G