Pa konsensus PS-ja mund te terheqe emrin e Meksit
Kandidimi i Ermelinda Meksit per postin e anetares se Keshillit Mbikeqyres te Bankes se Shqiperise ngjan te jete me shume se nje oferte nominale qe merr ne konsiderate vetem kredencialet profesionale. Ne vetvete propozimi eshte nje levizje e mirefillte politike e Partise Socialiste e cila ka vepruar ne kete drejtim teksa i eshte kthyer procesit te votimit per institucionet. Nje element simbolik qe i jep kuptim ketij qendrimi te ri te selise roze eshte fakti se oferta e saj per nje prej anetareve te Keshillit Mbikeqyres te Bankes se Shqiperise ka shkuar te kryetarja e Komisionit Parlamentar te Integrimit duke e rritur profilin politik. Per kete arsye si cilesia politike e propozimit ashtu edhe levizjet e fundit te PS-se me kthim ne procesin e votimit pa deklaruar paraprakisht nje vendim te posacem per kete nenkupton zbatim te paktit prej 10 pikash por pa e shpallur ate si axhende ditore. Perkundrejt kesaj qasjeje te opozites heshtja e shumices po le vend per shume interpretime duke e ekspozuar procesin e nisur per BSH-ne ndaj cdo lloj makinacioni ne Kuvendin e Shqiperise qe eshte edhe organi qe voton kandidaturat. Sinjalin per shqetesim nga ana e selise roze ne kete drejtim e dha dje nenkryetarja e Komisionit Parlamentar te Ekonomise Mimi Kodheli qe kerkoi garanci nga mazhoranca per kete ceshtje. Hipotezat per kete heshtje te shumices sipas burimeve nga PS-ja jane disa por ato kryesisht lidhen me llogarine e PD-se per te perfituar nga moderimi i socialisteve dhe kthimi i tyre ne proces votimi por pa leshuar asnje gje. Thene ndryshe ndryshimi i kursit te PS-se dhe heqja dore e saj nga kerkesa verbale per paketen e 10 pikave nuk po sjell konsensusin politik nga pala tjeter. Nje faktor qe e nderlikon edhe me tej lojen eshte Presidenti i Republikes i cili ka nje rol kushtetues ne zgjedhjen e personave qe drejtojne disa prej institucioneve kryesore ne vend. Konflikti i tij me shumicen priret te ndertoje paragjykime te reja ndaj propozimeve socialiste pavaresisht se aktualisht flitet per nje oferte apo negociate te heshtur mes paleve. Nisur nga kjo situate cdo loje e shumices mund te sjelle nje reagim negativ te opozites e cila nuk perjashtohet qe edhe te terheqe kandidaturat e veta nese forca e kartonit do te jete parimi qe do te hyje ne veprim. Sa i perket rastit te Meksit fakt eshte se kalimi ne votim nuk parashikon nje lenie paraprake te mandatit te deputetit por cdo rrezim eventual do te kthente marredheniet ne piken e nisjes. Fakt eshte se Ermelinda Meksi mbetet propozimi me profilin me te larte politik qe eshte bere deri me tani per Keshillin Mbikeqyres te Bankes duke percjelle mesazhe te qarta politike per nje shumice qe ende nuk ka dhene nje pergjigje.