Pack: Mbarëvajtja e zgjedhjeve mund të sjellë njohje të reja

Eurodeputetja, Doris Pack, tha të hënën se qytetarët kosovarë dhanë një provim të rëndësishëm në rrugën e tyre për integrimet evropiane duke kaluar një proces shumë të rëndësishëm, atë të zgjedhjeve.
Pack ka theksuar gjithashtu se mbarëvajtja e zgjedhjeve në Kosovë, mund të sjellë njohje të reja pë Kosovën. Po ashtu, Pack është shprehur e kënaqur edhe më pjesëmarrja e serbëve në zgjedhje. Ajo tha se serbët e kanë kuptuar se e ardhmja e tyre varet nga ata.
"E kuptuan se nuk munden të mbështeten në dikë në Beograd. Dhe kjo ka bërë të tejkalohen kërcënimet që disa politikanë i bënin, duke i parë serbët që votojnë si tradhtarë", tha Pack.