Paditet sekretari i Jashtëm britanik, William Hague

Sekretari i jashtëm i Britanisë, William Hague, është paditur nga një person, i ati i të cilit është vrarë në Pakistan, nga një sulm ajror i aeroplanit pa ekuipazh të Shteteve të Bashkuara.

Avokatura Leigh Day and Co, me seli në Londër, ka konfirmuar se do të ndërmarrë aksion juridik kundër Hague, në emër të personit Nur Khan, i ati i të cilit, Malik Daud Khan, ishte vrarë nga sulmi i aeroplanit pa ekuipazh në një territor fisnor në Pakistan, vitin e kaluar.

Kjo avokaturë tha se ka prova “të besueshme dhe të pa-sfiduara” se Hague “po zhvillon politikë të kalimit të inteligjencës te zyrtarët ose agjentët e qeverisë së Shteteve të Bashkuara”.

Avokatura planifikon të kërkoj shqyrtimin e rastit se anëtarët e personelit, që punojnë për Selinë e Komunikimeve të qeverisë së Britanisë, që është qendra kryesore e monitorimit të inteligjencës në këtë vend, mund ta kenë shkelur ligjin, pasi ata janë të klasifikuar si civilë jo luftëtarë dhe mund të ndiqen juridikisht.