Pakistan, 5 policë të vrarë nga shpërthimi i autobombës

Një shpërthim me autobombë tronditi sot rajonin veriperëndimor të Pakistanit, duke shkaktuar vdekjen e të paktën pesë policëve dhe plagosjen e rreth tetë të tjerëve. ngjarja ka ndodhur në Peshavar. Lajmi është bërë i ditur nga policia vendase e cila saktëson se ngjarja ndodhi në mëngjes pranë një postëkomandë kontrolli në Peshavar. Më herët, në një tjetër sulm, u vranë 13 militantë të dyshuar nga trupat paksitaneze, në rajonin Orakzai, pranë kufirit me Afganistanin. Zyrtarë pakistanezë thanë se militantët u vranë nga sulmet tokësore dhe ajrore.
Ushtria e kishte përshkallëzuar ofensivën në Orakzai në mes të muajit mars, kur shumë luftëtarë talibanë pakistanezë arritën në këtë hapësirë, pas ofensivës në rajonin Vaziristani Jugor.