Pakistan: Gjatë evakuimit mbyten në lumë

Islamabad, 5 gusht - Të paktën 50 persona kanë humbur jetën pas rrëzimit të një autobusi në një lum në lindje të Pakistanit. Autobusi ishte i tejmbushur me persona që ishin evakuuar si pasojë e përmbytjeve më të mëdha në historinë e Pakistanit.

Lajmi u konfirmua nga autoritetet qeveritare, të cilët sqarojnë se tetë persona janë plagosur rëndë, por kanë arritur të shpëtojnë, transmeton gazeta Start.

Si pasojë e përmbytjeve në Pakistan, mbi 1 500 persona kanë humbur jetën dhe mbi 4 milionë të tjerë janë prekur nga përmbytjet.