Pakistan, arrestohen të dyshuarit për sulme

Policia pakistaneze ka arritur të arrestojë shtatë terroristë të cilët dyshohen se po përgatisnin një seri atentatesh në Karaki.
Ekstremistët mësohet se kishin si qëllim të godisnin zyrat publike dhe eksponentë të veçantë qeveritarë.
Të arrestuarit i përkasin "Lashkar-i-Jhangvi", një organizatë e paligjshme e lidhur ngushtë me "al-Kaidën", e cila është edhe përgjegjëse për katastrofën në hotelin "Mariot" të Islamabadit, në të cilin shtatorin e shkuar humbën jetën 55 persona.