Palacio, lojtar i ri i Interit

Rodrigo Palacio do ta vesh fanellën e Interit, nga sezoni i ardhshëm. Për këtë ka konfirmuar presidenti i Genoas, Enrico Preziosi, sipas së cilit, të dyja klubet kanë arritur marrëveshje dhe sulmuesi argjentinas do të jetë Nerazzurr.

“Rodrigo Palacio do të jetë lojtar i Interit. Ne kemi arritur marrëveshje për transferin”, tha Preziosi për mediat italiane.

30 vjeçari iu bashkua Genoas nga Boca Juniors në verën e vitit 2009, ndërsa realizoi 41 gola në 100 ndeshje për ekipin nga Linguria. Pas Palacios, Interi synon ta transferojë edhe sulmuesin tjetër argjentinas, Ezequiel Lavezzi.