Palermo thotë adios

Martin Palermo i tha lamtumirë stadiumit Bombonera të skuadrës së tij Boca Juniors të dielën, duke zhvilluar ndeshjen e tij të fundit në fushën, ku bëri emër si futbollist.

37 vjeçari Palermo u përshëndet nga tifozët, të cilët shpalosën transparente që shkruante: “Faleminderit Martin!” dhe “Palermo 9 – Përgjithmonë mirënjohës”.

Boca Juniors barazoi 1-1 me Banfieldin duke u ngritur në kuotën e 27 pikëve në renditjen e kampionatit Clausura para ndeshjes me Gimnasian.

Nicolas Colazo shënoi golin për Bocan në minutën e 47-të, ndërsa Facundo Farreyra barazoi në të 84-ën.

“Ka shumë gjëra që më sillen në kokë. Dua t’ju falënderohem të gjithëve për gjithë dashurinë, për të gjitha vitet që kemi kaluar së bashku, fitoret dhe hidhërimet”, tha Palermo.