Pallatet e rrezikshme, plasariten pas ndërtimit

Elbasan – Në qytetin e Elbasanit, së fundmi ka filluar ndërtimi i shumë pallateve të reja në zona të ndryshme. Por firmat e ndërtimit nuk i ndërtojnë ato sipas gjithë parametrave të sigurisë. Këtë fakt e tregojnë plasaritjet nëpër mure në një pallat që nuk ka shumë kohë që është ndërtuar, gati më pak se dy vjet.
Nqs se i hedhim një vështrim të përgjithshëm ndërtesës, do t´i dallojmë mjaft lehtë vendet e dëmtuara. Kjo gjë tregon fare mirë mungesën e përgjegjësinë që kanë firmat e ndërtimit. Të frikësuar e të shqetësuar jashtë mase, shprehen edhe banorët e këtij pallati.

“Ne jemi një familje e re në  këtë pallat, por sinqerisht që kushtet këtu nuk janë shumë të mira, jo ashtu siç ne prisnim. Pallati është i ri dhe kanë filluar plasaritjet si dhe lagështira nëpër mure. Jemi të frikësuar si  për vete si dhe për fëmijët”- shprehet një familje që ka shpenzuar tërë kursimet e saj për të blerë një apartament në këtë pallat. Realiteti është i hidhur, por i vërtet, jeta jonë rrezikohet çdo ditë nga mungesa e përgjegsjhmërisë dhe mungesa e kontrollit për sigurine e jetës sonë.

Elsa Agolli / IDEA/

Shkrime të tjera me interes:

1. Zjarret, pallatet pa shkallë emergjnece. Jeta në dorë të fatit
2. Prindër, ruani fëmijët nga lodrat kineze me kimikate të rrezikshme
3. Tiranë, do të hipotekohen pallatet me probleme