Panairi, 2 mije vende pune ne "ankand"

Te rinj e te kaluar ne moshe, te shkolluar apo jo, te gjithe jane turrur per ne pallatin e kongreseve me shpresen e nje mundesie punesimi. I pari panair pune i mbajtur ne kryeqytet me iniciative te ministrise perkatese, ka ngjallur besimin per qindra njerez, fluksi i te cileve ka shenuar nje numer rekord CV te dorezuara prane dhjetera bizneseve e kompanive qe ne stendat e tyre, ndryshe nga heret e tjera, kane reklamuar ofertat per punesim. Zyra e rajonale e punesimit Tirane ka bere te ditur se numri i kerkesave ka tejkaluar jo vetem ofertat, por edhe parashikimet e ketij panairi. Kompani ndertimi, marketingu, biznese te ndryshme, deri dhe universitete kane paraqitur ofertat e tyre per punesim ne kete panair jo fort te zakonshem. Qe ne hyrje te tij shikon mijera te interesuar, kryesisht te rinj te sapodiplomuar, te cilet me aftesite respektive dhe CV-te e tyre ne dore, vizitojne stendat per t'u njohur me vendet e punes qe ofrojne bizneset e fushave te ndryshme, si ne telekomunikacion, sherbimin bankar, linjave prodhuese, menaxhim, marketing, sektorin e ndertimit, instalimeve hidraulike dhe elektrike, etj. "Ka nje fluks te madh kerkimi per mundesi punesimi prane firmave pjesemarrese dhe ky fakt rezulton se edhe panairi i Tiranes, i ngjashem me panairet e tjera te punesimit te zhvilluara ne Berat, Durres dhe Fier, do te vjele rezultate te suksesshme", shprehen burime nga zyra e punesimit.