Vaksina e gripit te jepet falas

Vaksina kunder gripit duhet te shperndahet falas per popullaten. Instituti i Shendetit Publikuar i ka propozuar gjate takimit te djeshem ministres se Shendetesise qe te pakten per kategorite ne risk, kjo doze te jepet falas. Sipas specialistes se ISHP-se, Silva Bino eshte ne pergjegjesi te ketij autoriteti per te perfshire ne kalendarin e vaksinimit te gjithe grupmoshat, duke perfshire edhe te rriturit. Nga data 1 tetor, te gjithe personat qe duan te bejne vaksinen kunder gripit, kane mundesi ta blejne ne cdo farmaci. Sipas specialisteve, vaksina e gripit sezonal permban tipe virusesh te cilat rekomandohen nga Organizata Boterore e Shendetesise, bazuar ne survejancen nderkombetare dhe vleresimet e eksperteve ne lidhje me tipet e viruseve ne qarkullim. Me konkretisht, vaksina per gripin sezonal 2008-2009 permban tipet H1N1, H3N2 dhe virus te ngjashem me gripin e Florides te vitit 2006. Pra, vaksina e sivjetme ka kryesisht perberes te vaksinave qe perdoren ne hemisferen jugore. Sipas specialisteve, vaksina mund te aplikohet nga cdo person, perfshi edhe grate shtatzena, por keshillohet vecanerisht per disa grupe te popullates, per arsye te riskut me te larte per komplikacione nga gripi. Konkretisht, personat qe u rekomandohet te vaksinohen cdo vit jane: femijet mbi 6 muajsh, qe frekuentojne cerdhe, kopshte dhe shkolla, personat mbi 60 vjec, personat qe vuajne nga semundje kronike te mushkerive, zemres, veshkave etj.

Vaksinat qe pritet te futen deri ne 2012

Vaksina Hib

Vaksina e Hepatitit B

Vaksina e Hepatitit A

Vaksina e Poliomielitit

Vaksina e Fruth - Rubeoles

Vaksina e Tetanosit

Vaksina e Difterise

Vaksina e Rotavirus

Vaksina e Meningokokut

dhe Etheve te Verdha

Vaksina kunder terbimit