Paradë gey në Moskë, arrestohen aktivistët

Disa aktivistë që mbështesin të drejtat e homoseksualëve, së bashku me të tjerë që i kundërshtojnë ato, janë arrestuar të dielën gjatë Paradës së Homoseksualëve në Moskë.

Në mesin e të arrestuarve thuhet të jetë edhe Nikollaj Aleksejev, kreu i Federatës së Homoseksualëve Rusë.

Edhe pse homoseksualiteti është dekriminalizuar në Rusi në vitin 1993, marshimet e komunitetit shpesh ndalohen nga autoritetet.

Qyteti rus i Shën Petersburgut ka miratuar së fundmi një ligj që konsideron vepër penale çdo propagandë për homoseksualitet.