Paralajmërimi i Gjermanisë: Greqia vështirë të dalë nga kriza ekonomike edhe pas 10 vitesh

Berlini shpreh rezerva për planin e masave të ndërmarra nga Athina për kapërcimin e krizës ekonomike. Sipas ekspertëve të ekonomisë dhe financave, llogorja e krizës greke kërkon një dekadë të rikthehet në gjendje normale. Vlerësimi se kriza në Greqi do marrë 10 vjet kohë për t’u kapërcyer, është shprehur nga ministri gjerman i Financave Ëolfgang Schäuble. Ai tha se Greqia duhet të mbetet në eurozonë, duke shtuar se Gjermania e kupton ngarkesën e madhe që kanë për të mbajtur grekët. “Zona e Euros ka rrezik real të kolapsit, në rast të falimentimit të Greqisë”, sqaroi ai duke folur në Javën e biznesit, dhe shtoi se kjo do të kishte ndikim negativ në besimin ndaj rolit politik të BE-së, dhe aftësinë për të ndërmarrë veprime ndërkombëtare.
Schäuble theksoi se askush nuk duhet të nënvlerësojë ndikimin potencial të një falimentimi të Greqisë për të bankat dhe efektin e rrezikut “domino” në vendet e eurozonës. “Greqia duhet të mbetet në zonën e euros me çdo kusht”, tha ai, por theksoi se “askush nuk mund ta shpëtojë popullin grek nga reformat e domosdoshme”. Sipas ministrit gjerman “në fund të fundit, është populli që duhet të vendosë nëse do ta mbajë ose jo, peshën që ka mbi supe”.