Part-time; Regjistrimet nisin të hënën, kuotat, tarifat dhe procedurat e plota
Zbardhet vendimi i Këshillit të Ministrave dhe udhëzimi i ministrit të Arsimit për sistemin me kohë të pjesshëm. Kush përfiton pa pagesë dhe cilat janë mënyrat e aplikimit. Kriter vetëm shkolla e mesme, ndërsa përzgjedhja do të bëhet me anë të mesatares
Regjistrimi për sistemin me kohë të pjesshme do të nisë ditën e martë dhe do të përfundojë më 14 dhjetor. Matura Shtetërore nuk do të jetë kriter për të gjithë ata që duan të vazhdojnë studimet me kohë të pjesshme në universitetet publike. Udhëzimi i ministrit Beja, i marrë dy ditë më parë, ka përcaktuar se kriteri i vetëm i pranimit në universitete për sistemin me kohë të pjesshme do të jetë diploma e shkollës së mesme, ose diploma e shkollës së lartë, për ata që duan të vazhdojnë një fakultet të dytë.
Datat
Udhëzimi i ministrit Beja përcakton se regjistrimi duhet të përfundojë më 15 dhjetor. Në këtë mënyrë, ai do të nisë në datë 8 nëntor, ditën e martë, pasi dita e hënë është pushim zyrtar, për shkak të festës së Bajramit.
“Institucionet publike të Arsimit të Lartë të shpallin dhe të afishojnë listat e kandidatëve fitues në vende të dukshme, në mjediset e njësive kryesore përkatëse, brenda orës 12:00 të datës 15.12.2008, të ndarë sipas programeve të studimit përkatës”, – përcakton udhëzimi. “Regjistrimi i kandidatëve në programet e studimit me kohë të pjesshme ku janë shpallur fitues zhvillohet nga data 15.12.2008 deri në datën 19.12.2008, prej orës 08:00 deri në orën 16:00, pranë sekretarive mësimore të njësive kryesore të Institucioneve Publike të Arsimit të Lartë”.
Pas mbylljes së procesit të regjistrimit, universitet do të dorëzojnë në Ministrinë e Arsimit dhe Shkencës, listat përfundimtare të kandidatëve fitues të regjistruar në datën 22.12.2008.
Procedurat
Dokumentet e nevojshme të pranimit që janë detajuar me udhëzimin përkatës së ministrit të Arsimit, z. Fatos Beja, janë: diploma e shkollës së mesme; certifikatë personale me fotografi; 2 fotografi dhe mandati i arkëtimit të tarifës së regjistrimit.
"Në qoftë se kandidati fitues nuk ka dëftesë pjekurie origjinale, siç përcaktohet në pikën 4/a të Udhëzimit, duhet të paraqesë dublikat të dëftesës së pjekurisë, të lëshuar nga drejtoria e shkollës së mesme dhe të vërtetuar në Drejtorinë Arsimore Rajonale/ Zyra Arsimore përkatëse", – përcaktohet në udhëzimin e ministrit Beja, ndërkohë që për ata që dëshirojë të vijojnë një shkollë të dytë do të duhet të dorëzojnë në fakultet diplomën universitare, ose fotokopje të noterizuar.
Sakaq, rast i veçantë janë kandidatët që do të regjistrohen në programet e studimit të ciklit të parë me kohë të pjesshme në Akademinë e Edukimit Fizik e Sporteve në Tiranë. Përveç dokumentacionit, ata duhet t’i nënshtrohen kritereve të veçanta (konkurseve të pranimit) të vendosura nga ky institucion për pranimet në studimet e ciklit të parë me kohë të pjesshme, të përcaktuara dhe të bëra publike paraprakisht.
Udhëzimi përcakton se kriter për pranimin e studentëve do të jetë vetëm pasja e diplomës së shkollës së mesme. Në rast se do të ketë më shumë aplikime sesa është kuota e regjistrimit, atëherë do të jetë nota mesatare e shkollës së mesme, kriteri vendimtar që do të përcaktojë fituesit dhe jofituesit ndër aplikantët e interesuar.
Kush përfiton falas
Ndërkohë një sërë kategorish do të përfitojnë falas sipas udhëzimit. “Kandidatët, që u përkasin shtresave sociale, si të verbrit, shurdhët, invalidët, paraplegjikë dhe tetraplegjikë, personat e papunë, personat që trajtohen me ndihmë ekonomike, nënat, që janë kryefamiljare, studentët me aftësi të kufizuara, fëmijët romë apo fëmijët e policëve, të rënë ose të plagosur, për shkak të detyrës, ish-të përndjekur politikë, që do të fitojnë të drejtën për të studiuar në një program studimi të ciklit të parë, me kohë të pjesshme, në institucionet publike të arsimit të lartë, në vitin akademik 2008-2009, përjashtohen nga tarifa e shkollimit”, – përcakton udhëzimi.
Datat
9-14 dhjetor, aplikimi në universitete
15 dhjetor, shpallen fituesit
15-19 dhjetor, regjistrohen fituesit
Dokumentet e regjistrimit
a) Dëftesë pjekurie të shkollës së mesme ose diplomë tjetër studimi të fituar jashtë vendit, të vlerësuar të barasvlershme me të.
b) Dokument identifikimi (certifikatë lindje me fotografi ose pasaportë). Në dosje të mbahet certifikata e lindjes me fotografi ose fotokopja e pasaportës.
c) 2 fotografi.
d) Mandat-arkëtimi i tarifës së regjistrimit prej 1.500 lekë.
Përfituesit falas
Të verbrit
Të shurdhët
Invalidët paraplegjikë dhe tetraplegjikë
Të papunët
Personat që trajtohen me ndihmë ekonomike
Nënat, që janë kryefamiljare
Studentët me aftësi të kufizuara
Fëmijët romë
Fëmijët e policëve, të rënë ose të plagosur për shkak të detyrës
Ish-të përndjekurit politikë
Tarifat
Në Universitetin e Tiranës:
Histori 52.000 lekë
Gjeografi 52.000 lekë
Gjuhë-Letërsi 52.000 lekë
Drejtësi 93.600 lekë
Biologji 62.400 lekë
Financë-Kontabilitet 72.800 lekë
Administrim-Biznes 72.800 lekë
Psikologji 52.000 lekë
Punë sociale 52.000 lekë
Në Akademinë e Edukimit Fizik dhe Sporteve "Vojo Kushi" 62.400 lekë.
Në Universitetin Bujqësor të Tiranës:
Menaxhim agrobiznesi 52.000 lekë;
Ekonomi dhe politikë agrare 52.000 lekë;
Hortikulturë 52.000 lekë;
Prodhim bimor 52.000 lekë;
Zootekni dhe biznes blegtoral 52.000 lekë;
Akuakulturë dhe menaxhim peshkimi 52.000 lekë;
Teknologji agroushqimore 52.000 lekë;
Agromekanizim 52.000 lekë;
Vreshtari dhe enologji 52.000 lekë;
Inxhinieri pyjesh 62.400 lekë;
Inxhinieri përpunim druri 62.400 lekë;
Financë-Kontabilitet 62.400 lekë;
Mbrojtje bimësh 62.400 lekë;
Agromjedis dhe ekologji 62.400 lekë.
Në universitetin "Aleksandër Xhuvani", Elbasan:
Histori-Gjeografi 41.600 lekë;
Gjuhë-Letërsi 41.600 lekë;
Edukatë qytetare 41.600 lekë;
Punë sociale 41.600 lekë;
Filozofi-Sociologji 41.600 lekë;
Administrim-biznes 52.000 lekë;
Financë-Kontabilitet 52.000 lekë;
Biologji-Kimi 52.000 lekë;
Cikli i ulët 31.200 lekë;
Ciklin e ulët parashkollor 31.200 lekë;
Matematikë- Fizikë 31.200 lekë.
Në universitetin "Eqrem Çabej", Gjirokastër:
Histori-Gjeografi 31.200 lekë;
Financë-Kontabilitet 41.600 lekë;
Biologji-Kimi 41.600 lekë;
Cikli i ulët 31.200 lekë;
Cikli i ulët parashkollor 31.200 lekë;
Matematikë-Fizikë 31. 200 lekë.
Gjuhë-Letërsi 31.200 lekë;
Administrim publik 41.600 lekë;
Menaxhim-turizëm 41. 600 lekë.
Në universitetin "Fan S. Noli", Korçë:
Gjuhë-Letërsi 31.200 lekë
Financë 41.600 lekë
Cikli i ulët 31.200 lekë
Cikli i ulët parashkollor 31.200 lekë
Menaxhim biznesi 41.600 lekë
Turizëm 41.600 lekë
Hortikulturë 31.200 lekë
Agrobiznes 31.200 lekë
Marketing 41.600 lekë
Në universitetin "Luigj Gurakuqi", Shkodër
Gjeografi 41.600 lekë
Financë-Kontabilitet 52.000 lekë
Turizëm 52.000 lekë
Administrim- Biznes 52.000 lekë
Biologji-Kimi 52.000 lekë
Histori 41.600 lekë
Cikli i ulët 31.200 lekë
Cikli i ulët parashkollor 31.200 lekë
Matematikë 31.200 lekë
Fizikë 31.200 lekë
Gjuhë-Letërsi 41.600 lekë
Juridik 72.800 lekë
Në universitetin "Ismail Qemali", Vlorë:
Infermieri 41.600 lekë
Kuotat
Universiteti i Tiranës
150 Histori, Gjeografi, Gjuhë-Letërsi
100 Biologji
200 Juridik
70 Punë Sociale, Psikologji
250 Administrim Biznesi, Financë Kontabilitet
Universiteti Bujqësor
50 Menaxhim Agrobiznes, Ekonomi e Politikë Agrare, Hortikulturë, Prodhim Bimor, Zootekni dhe Biznes Blegtoral, Akuakulturë dhe Menaxhim Peshku, Teknologji Agroushqimore, Financë-Kontabilitet, Mbrojtje bimësh, Agromjedis dhe ekologji, Vreshtari dhe Enologji.
40 Inxhinieri Pyjesh, Inxh. Përpunim Druri
25 Agromekanizëm
Universiteti i Elbasanit
60 Histori-Gjeografi, Gjuhë-Letërsi, Cikël i Ulët Parashkollor
70 Cikël i Ulët, Biologji-Kimi, Administrim biznes, Financë-Kontabilitet
80 Punë Sociale, Filozofi-Sociologji
Universiteti i Gjirokastrës
60 Histori-Gjeografi, Gjuhë-Letërsi, Cikël i Ulët, Cikël i Ulët Parashkollor, Matematikë-Fizikë, Biologji-Kimi
30 Administrim Publik, Financë-Kontabilitet
Universiteti i Korçës
50 Administrim Biznes, Financë-Kontabilitet
40 Gjuhë-Letërsi
30 Cikël i Ulët, Cikël i Ulët Parashkollor, Turizëm, Marketing
20 Menaxhim Agrobiznesi
Universiteti i Shkodrës
90 Administrim Biznesi, Financë-Kontabilitet, Turizëm
60 Histori, Gjeografi, Gjuhë-Letërsi, Cikël i Ulët, Cikël i Ulët Parashkollor, Biologji-Kimi, Drejtësi
30 Matematikë, Fizikë
Universiteti i Vlorës
150 Infermieri e Përgjithshme
Akademia e Sporteve, 60