Rekomandimet e Venecias: Nisni me reformen zgjedhore Rozeta Rapushi
Forcat politike duhet te nisin nga puna me reformen zgjedhore, me rekomandimet qe OSBE/ODIHR-i ka bere per Shqiperine. Ky ishte konkluzioni i vizites dy ditore te delegacionit te perbashket te Komisionit te Venecias dhe OSBE/ODIHR-it, ne konferencen per shtyp para largimit nga Shqiperia. Sekretari i Komisionit te Venecias, Thomas Markert, tha dje se puna me reformen duhet te nise menjehere, duke theksuar faktin se nderkombetaret do te ofrojne kontributin e tyre nepermjet rekomandimeve, por ata nuk punojne me partite, por me trupat zyrtare. "Jemi ketu te kontribuojme per reformen zgjedhore te Shqiperise. Nuk duhet te shohim pas, por perpara. Do te nxjerrim nje opinion ne mes te Dhjetorit, por disa rekomandime jane gati tani. E para: eshte nisja e punes dhe ngritja e nje Komisioni Parlamentar per reformen zgjedhore. Jemi optimiste qe do te funksionoje shpejt dhe me duhet te nenvizoj se puna duhet te nise shpejt, sepse keni nje numer te madh rekomandimesh",- beri te qarte Markert. Sipas tij, keto jane sugjerimet e para qe Venecia jep ne forme rekomandimi per Shqiperine. Ai theksoi faktin se ceshtjet jane te qarta dhe tashme duhet qe Parlamenti te filloje te punoje mbi rekomandimet e bera kohe me pare nga OSBE/ODIHR-i. "Me 16-17 Dhjetor, ne do kemi nje opinion me te qarte per te adresuar ceshtjet e OSBE/ODIHR-it. Jemi gati te punojme me Komisionin Parlamentar. Ne nuk punojme me partite politike, por me trupat zyrtare. Jemi te gatshem gjithashtu, per te ofruar keshilla dhe ekspertizen e duhur",- theksoi Markert. Sipas tij, gatishmerine per te ndihmuar Shqiperine e tregon edhe kjo vizite e perbashket ne kuader te permiresimit te zgjedhjeve. "Kemi qene ne Shqiperi edhe muajin e kaluar. Kjo vizite e perbashket me Komisionin e Venecias, tregon qe OSBE/ODIHR-i eshte i gatshem per te ndihmuar Komisionin Parlamentar qe te zbatoje rekomandimet mbi reformen zgjedhore",- vijoi ai. Markert sqaroi se nuk ka ndonje dallim te madh mes rekomandimeve qe Komisioni i Venecias dhe OSBE/ODIHR-i japin per permiresimin e zgjedhjeve, si dhe vleresimit qe do te dale ne Dhjetor per permiresimet qe duhet te pesoje Kodi Zgjedhor ne vend. Markert theksoi se nese rekomandimet e delegacionit zbatohen, atehere politika shqiptare do te beje progres sa i perket reformes zgjedhore. "Nuk ka ndonje dallim mes opinionit dhe rekomandimeve, ai do te permbaje rekomandime dhe une nuk e di mire cilat jane keto pyetje. Por, besoj disa ceshtje qe jane diskutuar, do te reflektohen ne opinion, sidomos ceshtjet pas zgjedhjeve lokale dhe atyre parlamentare. Reforma shkon larg, rekomandimet e OSBE/ODIHR-it kane adresuar ceshtjet qe duhen adresuar dhe nese i zbatoni, atehere do te beni progres. Ndaj mendoj se detyra kryesore eshte t'i qartesojme keto rekomandime dhe te gjejme menyrat e duhura per t'i zbatuar ato",- nenvizoi Markert. Delegacioni i Komisionit te Venecias mberriti dje ne Tirane, per t'i rekomanduar forcat politike per rindertimin e legjislacionit te ri zgjedhor.