Parulla: Duam police greke ne Himare

Parulla ku kerkohen police greke, jane hedhur ne Himare, pas shoqerimit te dy personave, te cilet kishin shkelur ligjin. "Duam police grek te bejne hetime ne Himare", "Larg policia nga Himara", "Keni dhunuar djemte tane", "Te shkrihet Stacioni i Policise", kane qene disa nga parullat e hedhura nga himarjotet, shumica minoritare, duke kerkuar lirimin e dy te ndaluarve. Policia e Shtetit dje ka bere te ditur se, per momentin jane pezulluar nga detyra dy punonjes policie, te cilet do te jene ne kete status deri ne perfundim te hetimeve nga Sherbimi i Kontrollit te Brendshem. Gjithcka ka nisur ne oren 17:30 te se enjtes, kur dy efektive jane qelluar me sende te forta, njeri prej te cileve Leonard Lala, eshte plagosur, duke u shoqeruar ne spital, per te marre mjekimin e nevojshem. Pas kesaj ngjarjeje ne qender te Himares, perballe Postes se Policise, jane mbledhur me shume se 70 persona qe kane kundershtuar ndalimin e personave, mes te cileve dhe kusheririn e Vasil Bollanos, kryetar i Bashkise se Himares. "Ne daten 10 prill 2008, rreth ores 19:30 perpara Postes se Policise ne Himare, jane grumbulluar rreth 70 persona, te cilet po qellonin me gure ne drejtim te saj. Nga hetimet e deritanishme mendohet se, shkak i kesaj proteste ka qene fakti, se dy punonjes te policise kane debatuar me Vasil Zoto ne lidhje me shoqerimin e djalit te tij, Manol Zoto dhe shokut te tij, Jorgo Rrapi, rreth ores 01:00 te dy diteve me pare", tha zedhenesi i Policise se Shtetit dje. Nga kryerja e veprimeve paraprake ka rezultuar se forcat e policise se postes ne Himare kane shoqeruar rreth ores 01:00 te dates 10.04.2008, Manol Zoto dhe Jorgo Rrapo, pasi keta te fundit kane fyer dhe kundershtuar punonjesit e policise, pasi ata kane ndaluar mjetin e tyre me targa te huaja. "Dy te ndaluarit kane qendruar ne polici perreth dy ore dhe me pas jane lene te lire. Nderkohe qe ne oret e para te mengjesit, shtetasi Vasil Zoto ka debatuar me specialistin e krimeve prane kesaj poste, duke ngritur pretendimin qe djali i tij ishte keqtrajtuar. Ne lidhje me kete pretendim, shtetasi Zoto eshte vene ne dijeni se duhet te bente nje kallezim te Sherbimi i Kontrollit te Brendshem ne Vlore, si dhe ne Prokurorine e Rrethit Gjyqesor Vlore", thuhet ne njoftim. Sipas zyrtareve, rreth ores 17:30, ne kohen qe punonjesit e policise kane qene duke patrulluar ne qytet, Vasil Zoto i ka goditur me mjete te forta, gjithashtu dhe i ka ofenduar. Per pasoje kane mbetur te plagosur dy punonjes te policise ne posten e Himares.

A.Cena