Pas Prespës shtrëngohet laku rreth Maqedonisë
Media maqedonase i jep një hapësirë të gjerë takimit trepalësh që u zhvillua në fshatin Pili të Prespës, në pjesën greke, me pjesëmarrjen e kryeministrave të Maqedonisë, Nikolla Gruevski, Greqisë, Jorgos Papandreu, dhe të Shqipërisë, Sali Berisha, kushtuar ndryshimeve klimaterike në prag të Samitit të afërm të Kopenhagenit për këtë problem të rëndësishëm. Por, sidoqoftë, kjo media vëmendjen më të madhe ia kushton sidomos asaj që biseduan dhe thanë Gruevski dhe Papandreu për problemin e mosmarrëveshjes për emrin mes Maqedonisë dhe Greqisë, ndërkohë që po afron 7 dhjetori 2009, kur pritet që Këshilli i Europës (KE) të caktojë ose jo, datën e fillimit të bisedimeve të pranimit mes Maqedonisë dhe BE-së, duke supozuar se deri ku janë afruar qëndrimet e kundërta mes këtyre dy vendeve lidhur me mosmarrëveshjen në fjalë. "Takimi, i iniciuar nga pala maqedonase dhe i mbështetur nga bashkësia ndërkombëtare, do të duhej të tregonte e të provonte se dialogu mes Shkupit dhe Athinës për dallimet që kanë për emrin, nuk ndodhet në pikën e vdekjes dhe se ekzistojnë shanset për gjetjen e asaj që rëndom quhet ‘zgjidhje e pranueshme e përbashkët‘", vë në dukje sot një nga gazetat kryesore të përditshme maqedonase "Utrinski Vesnik", duke vazhduar më tej se, në përgjithësi, nuk kishte informacione se për çfarë biseduan dhe ranë dakord Gruevski dhe Papandreu, por se përshtypja e përgjithshme midis gazetarëve në qendrën e improvizuar të shtypit në fshatin Lemos, gjashtë km nga vendi takimit të tre kryeministrave, ishte se dy liderët (Gruevski dhe Papandreu) nuk duhet në asnjë mënyrë të mos bien dakord rreth "asaj" që do të mund ta shmangte veton ose bllokadën greke në takimin e KE-së më 7 dhjetor.
Që media i kushtoi vëmendje të madhe këtij takimi trepalësh, sidomos takimeve dypalëshe mes Gruevskit dhe Papandreut për sa më sipër, e tregon edhe fakti se daljen nga takimi i përbashkët mes tyre e prisnin te dera më shumë sesa 100 gazetarë dhe kameramanë vendës dhe të huaj. Të paktën, në takimin e kortezisë, të dy kryeministrat dukeshin të qeshur që ngjallte shpresë se edhe takimet tetë a tetë mes tyre kanë vazhduar me humor të mirë, shkruan media maqedonase.
Kryeministri maqedonas, Gruevski, erdhi në Pili, duke qenë i ndërgjegjshëm se një dështim eventual i takimit të tij me Papandreun do të përbënte edhe dështim të aspiratave euro-integruese të Maqedonisë, për shkak të vetos eventuale të Greqisë në takimin e ardhshëm të lartpërmendur në KE, vë në dukje media e shkruar maqedonase, një nga gazetat kryesore të përditshme të së cilës, "Dnevnik", botoi dje një shkrim të përbashkët të përfaqësuesit të lartë të BE-së për sigurimin e politikën e jashtme, Havier Solana, dhe të komisionerit të zgjerimit të BE-së, Olli Rehn, të cilët, me një gjuhë të vendosur, paralajmëronin se, "nëse nuk shfrytëzohen shanset, atëherë nuk do të mund të jemi të sigurt se kur dhe si procesi i pranimit të vendit tuaj (Maqedonisë) do të vendoset përsëri në axhendën e BE-së". Të dy eurodiplomatët e lartë dërguan një mesazh të qartë se, "nëse ndërmjetësuesit mund të ndërmjetësojnë, bashkëbiseduesit mund të bashkëbisedojnë, janë liderët ata që mund të vendosin".
Letra e lartpërmendur e Solanës dhe e Rehnit, e botuar në "Dnevnik" në formën e një shkrimi, koincidoi me vizitën e papritur dje në Shkup të ministrit të Jashtëm të Suedisë, njëherazi kryetar aktual i BE-së, Karl Bildt. Diplomati i lartë suedez iu shmang takimeve me gazetarët dhe vizitën e tij e cilësoi si një "vizitë në kalim e sipër" rrugës për në Stamboll, por, megjithatë, sipas medias maqedonase, vizita e tij e shkurtër në Shkup ishte në funksion të ushtrimit edhe të një presioni tjetër miqësor ndaj Kryeministrit Nikolla Gruevski që ai të hapë rrugë për zgjidhjen e problemit të emrit me Greqinë për gjetjen e një kompromisi të pranueshëm të ndërsjellë. Presioni mbi Gruevskin, vë në dukje gazeta "Utrinski Vesnik", është më i madh, pasi nga pala maqedonase kërkohet një tërheqje e "dhimbshme" në formën e ndryshimit të emrit kushtetues të vendit, ndërkohë që Greqia ndodhet në një pozitë më të mirë si vend-anëtar i BE-së që ka në dispozicion mekanizmat për bllokimin e pranimit të saj (Maqedonisë) në BE, ashtu sikurse ajo (Greqia) bëri në Samitin e NATO-s në Bukuresht para afro 12 muajve.
Që media i kushtoi vëmendje të madhe këtij takimi trepalësh, sidomos takimeve dypalëshe mes Gruevskit dhe Papandreut për sa më sipër, e tregon edhe fakti se daljen nga takimi i përbashkët mes tyre e prisnin te dera më shumë sesa 100 gazetarë dhe kameramanë vendës dhe të huaj. Të paktën, në takimin e kortezisë, të dy kryeministrat dukeshin të qeshur që ngjallte shpresë se edhe takimet tetë a tetë mes tyre kanë vazhduar me humor të mirë, shkruan media maqedonase.
Kryeministri maqedonas, Gruevski, erdhi në Pili, duke qenë i ndërgjegjshëm se një dështim eventual i takimit të tij me Papandreun do të përbënte edhe dështim të aspiratave euro-integruese të Maqedonisë, për shkak të vetos eventuale të Greqisë në takimin e ardhshëm të lartpërmendur në KE, vë në dukje media e shkruar maqedonase, një nga gazetat kryesore të përditshme të së cilës, "Dnevnik", botoi dje një shkrim të përbashkët të përfaqësuesit të lartë të BE-së për sigurimin e politikën e jashtme, Havier Solana, dhe të komisionerit të zgjerimit të BE-së, Olli Rehn, të cilët, me një gjuhë të vendosur, paralajmëronin se, "nëse nuk shfrytëzohen shanset, atëherë nuk do të mund të jemi të sigurt se kur dhe si procesi i pranimit të vendit tuaj (Maqedonisë) do të vendoset përsëri në axhendën e BE-së". Të dy eurodiplomatët e lartë dërguan një mesazh të qartë se, "nëse ndërmjetësuesit mund të ndërmjetësojnë, bashkëbiseduesit mund të bashkëbisedojnë, janë liderët ata që mund të vendosin".
Letra e lartpërmendur e Solanës dhe e Rehnit, e botuar në "Dnevnik" në formën e një shkrimi, koincidoi me vizitën e papritur dje në Shkup të ministrit të Jashtëm të Suedisë, njëherazi kryetar aktual i BE-së, Karl Bildt. Diplomati i lartë suedez iu shmang takimeve me gazetarët dhe vizitën e tij e cilësoi si një "vizitë në kalim e sipër" rrugës për në Stamboll, por, megjithatë, sipas medias maqedonase, vizita e tij e shkurtër në Shkup ishte në funksion të ushtrimit edhe të një presioni tjetër miqësor ndaj Kryeministrit Nikolla Gruevski që ai të hapë rrugë për zgjidhjen e problemit të emrit me Greqinë për gjetjen e një kompromisi të pranueshëm të ndërsjellë. Presioni mbi Gruevskin, vë në dukje gazeta "Utrinski Vesnik", është më i madh, pasi nga pala maqedonase kërkohet një tërheqje e "dhimbshme" në formën e ndryshimit të emrit kushtetues të vendit, ndërkohë që Greqia ndodhet në një pozitë më të mirë si vend-anëtar i BE-së që ka në dispozicion mekanizmat për bllokimin e pranimit të saj (Maqedonisë) në BE, ashtu sikurse ajo (Greqia) bëri në Samitin e NATO-s në Bukuresht para afro 12 muajve.