Pas tranzicionit, pasaporta te reja

Ministria e Puneve te Brendshme ne Kosove, eshte duke bere te gjitha pergatitjet qe pas fazes se tranzicionit, te jete e gatshme per leshimin e dokumenteve te para te Republikes se Kosoves. Dokumentet e udhetimit, te leshuara nga UNMIK-u, ne Kosove do te jene te vlefshme deri ne perfundim te fazes se tranzicionit, deklaruan dje, zyrtare te Qeverise se Kosoves.
Ministri i Puneve te Brendshme, Zenun Pajaziti, thote se qytetaret e Kosoves do te kene mundesi qe te aplikojne per dokumentet e udhetimit pas perfundimit te veprimeve te nevojshme administrative, te cilat do t'i kryeje kjo ministri. "Eshte njefare procedure per te kaluar ne prodhimin e dokumenteve te reja, qe varet prej shume faktoreve. E para eshte procedura administrative; e dyta, jane ceshtje tjera teknike, per te cilat ne duhet te marrim se shpejti vendime, se a do te vazhdojme me kompanite ekzistuese qe vec jane te kycura ne Kosove per prodhimin e dokumenteve. Jemi nen presion te kohes. Ka shume pak kohe; qytetaret do te kerkojne qe sa me shpejt t'i kene dokumentet e udhetimit", thote Pajaziti.
Ai evidenton edhe se pas periudhes kohore prej kater apo pese muajsh, do te filloje dhenia e dokumenteve te reja. "Jemi duke bere konsultimet e nevojshme, sidomos per ceshtjen e kohes. Une mendoj se pas mbarimit te fazes se UNMIK-ut, ose kur UNMIK-u do te pushoje se dheni dokumente te udhetimit, ne menjehere do t'i kemi dokumentet tona", thote Pajaziti. Ministri detajon edhe se identiteti i dokumenteve te leshuara nga Ministria e Puneve te Brendshme do te permbaje simbolet e reja te Republikes se Kosoves. Gjithashtu, me rendesi te vecante do te jene edhe elementet e sigurise, te inkorporuara ne dokumentet civile te leshuara nga MPB-ja. Per kete arsye, Ministria e Puneve te Brendshme eshte ne procesin e shikimit te mundesive teknike me te mira per prodhimin e ketyre dokumenteve.
"Duam pasaporten e Republikes"
Ne pritje te ethshme te mjetit te ri nderkombetar te identifikimit, jane qytetaret ne Kosove. Ata kerkojne qe ceshtja e dokumenteve te udhetimit duhet te pershpejtohet ne institucionet kosovare. Hasim Loshi, nje qytetar ne Prishtine, thote se pasaportes se tij, te leshuar nga UNMIK-u, i ka skaduar afati, por ai pret pasaporten e re te Kosoves. "Tani, pasi qe Kosova eshte shpallur republike, shtet i pavarur, qytetaret jane te interesuar qe ne dokumentin e udhetimit, ne pasaportat e tyre t'u shkruaje edhe Republika e Kosoves". Loshi duke kujtuar faktin se pasaporta i ka skaduar, thekson se "po pres ta marr kete te Republikes se Kosoves se pavarur dhe sovrane".
A do te pranohen neper bote?
Ministri i Puneve te Brendshme te Kosoves, Zenun Pajaziti, pranon se ne ato shtete qe nuk e njohin pavaresine, ceshtja e udhetimit me dokumente te Republikes se Kosoves do te jete e veshtire. "Nese ndonje vend nuk do t'i pranoje pasaportat tona, kjo do te jete e veshtire. Por, nje gje eshte e sigurt, se shtetet kryesore ose shtetet evropiane do t'i pranojne pasaportat tona", tha ministri Pajaziti.