Pastronte ciften e babait, plagoset 18-vjecarja

Veteplagoset duke pastruar ciften e te atit, nje 18-vjecare nga rrethi i Kolonjes. Burime te policise bejne te ditur se rreth mesdites se djeshme, Xh. Nure, nga fshati i thelle malor i Kaducit, eshte derguar ne spitalin e Ersekes, pas demtimeve trupore te shkaktuara me arme zjarri. Policia beri te ditur nga hetimet paraprake, rezulton se adoleshentja, rreth ores 11:00, ishte duke pastruar armen e gjahut te babait te saj, Fazlli Nure. Te pyetur nga grupi hetimor, pjesetaret e familjes kane sqaruar se gjate pastrimit, arma ka kryer qitje te pavullnetshme. Per pasoje sacmat e kane demtuar 18-vjecaren, ne pjese te ndryshme te trupit. Vajza eshte derguar fillimisht ne spitalin e Ersekes dhe me pas ne repartin e kirurgjise ne Korce, per mjekim me te specializuar. Burime te policise bejne te ditur se pas nderhyrjes se mjekeve, gjendja e 18-vjecares eshte jashte rrezikut per jeten. Policia po vazhdon hetimin, per vepren penale te "plagosjes se rende nga pakujdesia". Arma eshte bllokuar ne cilesine e proves materiale nga grupi hetimor.

D. Zisi