Pellegrini: Ishte sezon fantastik

Trajneri i Real Madridit, Manuel Pellegrini, ka lavdëruar paraqitjet fantastike të skuadrës së tij këtë sezon, pavarësisht faktit se Malaga i ndali në një barazim 1-1 në javën e fundit të La Ligas.
"Ne e kemi ditur se do të jetë e vështirë ta fitojmë kampionatin, por unë ende mendoj se ky sezon ishte fantastik në La Liga. është logjike që klubi duhet të konsiderojë opsionet e veta në fund të sezonit, por unë nuk dua të flas për postin tim. Unë mendoj se kemi një bazë të mirë të projektit tonë dhe unë dua të jem i përfshirë në të", tha ai.