Pensione familjeve te viktimave

Fatjona Mejdini
Kryeministri Berisha beri bilancin e masave te marra per te perballuar tragjedine e Gerdecit. Teksa mblodhi paraditen e djeshme qeverine, ku vendin kryesor e zuri ngjarja e ndodhur fundjaven e shkuar. Ne prani te te gjithe ministrave te kabinetit te tij qeveritar, perjashtuar Mediun i dorehequr, ne vend te te cilit ishte ulur zv.ministrja Zana Xhuka, theksoi se po behen perpjekjet maksimale per te demshperblyer demet e ndodhura ne fshatin e Bashkise se Vores. Berisha zbuloi dje edhe elementet e ketij shperblimi, per familjaret e viktimave, banoret e zones te mbetur te pastrehe dhe menyren se si do te kompensoheshin bizneset e shkaterruar nga tragjedia e ndodhur ne Gerdec.
Pensionet
Kryeministri Berisha deklaroi se qeveria duhet t'ju lidhe nje pension mujor familjareve te viktimave te tragjedise se Gerdecit. "I propozoj qeverise qe familjeve te viktimave t'u lidhet pension per te humburit e tyre, njelloj si per ata qe bien ne krye te detyres. Kjo eshte e domosdoshme, ne menyre qe, te pakten materialisht, te mund t'u lehtesojme atyre jeten", deklaroi Berisha ne lidhje me kete qendrim te tij. Ndersa paraditen e djeshme, Berisha beri nje vizite ne familjen Deliu, e cila humbi tre pjesetare ne tragjedine e Gerdecit. Kreu i ekzekutivit u shprehu familjareve ngushellimet me te sinqerta, per humbjen e rende te njerezve me te dashur dhe premtoi se qeveria ishte e vendosur per zbardhjen deri ne fund te ceshtjes dhe nxjerrjen ne drite te pergjegjesive, nepermjet nje procesi te drejte dhe transparent.
Te pastrehet
Qeveria mori dje vendimin per akordimin e nje shume prej 50 mije lekesh te reja per cdo banore ne Gerdec, banesat e te cileve jane konsideruar si te pabanueshme. Nga ana tjeter, Berisha theksoi se nje menyre efikase per rindertimin e banesave mund te ishte rimbursimi me para ne dore per demet e banoreve te zones. Sipas kreut te qeverise, kjo menyre po konkludon se eshte me e shpejta per kthimin ne normalitet te fshatit te Gerdecit. Sipas Berishes, grupet e inspektimit kane bere edhe vleresimin e demeve te 1300 banesave dhe se banoret e zones nuk kane shprehur asnje verejtje mbi menyren se si eshte bere ky vleresim nga ana e specialisteve. Ndersa ndihma e bizneseve, do te ishte me efikase te shkonte direkt te banoret.
Bizneset
Kreu i qeverise, Berisha, premtoi dje mbeshtetjen e qeverise me ane te demshperblimit per te gjithe ato biznese, te cilat kane pesuar demtime nga tragjedia e ndodhur ne Gerdec, 6 dite me pare. Sipas Berishes, grupe ekspertesh nga Ministria e Financave do te vleresonin demin qe shperthimi i fabrikes se cmontimit te armeve ka shkaktuar te bizneset dhe me pas do te bente kompensimin e ketyre demeve. Kryeministri Berisha deklaroi se per nje pjese te bizneseve do te paguanin per demet shoqerite e sigurimeve dhe premtoi se per pjesen tjeter do te ishte qeveria, ajo qe do te merrte masat per demshperblim.