UEFA zhduk logon kuqezi, pezullon Shqiperine
UEFA leshon rrufene tjeter mbi topin shqiptar. Pas Zeusit (FIFA-s), tani e kisha radhen qeveria kontinentale e futbollit qe te merrte te njejten mase si eprorja e saj: pezullimin. Por, nese FIFA nuk percaktonte asgje me shume sesa ndeshjet, UEFA nuk ka harruar te fuse ne liste gjyqtaret, kurset, workshopet, ngjarjet etj., shkurt logoja kuqezi zhduket nga qarkullimi deri ne nje vendim te dyte, kohezgjatja e te cilit do te percaktohet pas dates 28 mars. Per ta salduar mire idene: UEFA eshte hapi i pare i groposjes se Shqiperise. Me date 28 mars do te jete mbledhja e radhes e Komitetit Ekzekutiv te UEFA-s, i cili do t'i lere vetem dy muaj kohe FSHF-se dhe shtetit shqiptar te sheshojne gjithcka, perndryshe epilogu dihet. Sa per te perforcuar idene, asnje perfaqesues i FSHF-se nuk mund te marre pjese ne mbledhjen ne fjale. Jemi apo nuk jemi te pezulluar?
Vendimi
"UEFA ka vendosur ta beje te qarte pozicionin e saj ne lidhje me situaten e Federates se Futbollit Shqiptar, pas vendimit te marre me 14 mars nga Komiteti Ekzekutiv i FIFA-s, per te pezulluar federaten ne fjale sipas nenit 14 te statutit te FIFA-s. Pas sinjalizimit te Komitetit te Federatave, FIFA ka vendosur ta pezulloje federaten shqiptar si pasoje e nderhyrjeve te renda politike. Per rrjedhoje, ceshtja do te rishitet nga Komiteti Ekzekutiv i FIFA-s, qe do te mblidhet me 28 mars 2008 ne Vaduz te Lihtenshtejnit," shkruhet ne komunikaten per shtyp te UEFA-s, e cila me pas sqaron arsyet e marrjes se ketij vendimi. "Per te arritur nje uniformitet me vendimin e FIFA-s, me efekt te menjehershem deri ne vendime te tjera, jane marre masat e meposhtme: Federata Shqiptare e Futbollit nuk do te mund te zhvilloje ndeshje miqesore e zyrtare. Ne vecanti, ndeshja e Grupit 1 te kualifikimeve per Evropianin Under 21 kunder Greqise, ne program me 26 mars, eshte shtyre deri ne nje vendim tjeter. Asnje perfaqesues i Shqiperise nuk mund te marre pjese ne takimet e komiteteve te UEFA-s, kurseve, workshopeve, ngjarjeve etj., dhe asnje arbiter shqiptar, delegat, drejtues ndeshjeje ose perfaqesues tjeter nuk do te grumbullohet ne gara ose ngjarje te UEFA-s". Pra, sic shihet, toleranca e vetme i takon ndeshjes se 26 marsit Shqiperi-Greqi, takim ky i vlefshem per eliminatoret e evropianit te perfaqesueseve Shpresa. Dhe me pas, per t'i lene dopio-gjashten shtetit shqiptar ne dore, komunikata mbyllej me rreshtin e meposhtem: "UEFA dhe FIFA shpresojne qe ta zgjidhin kete kontrast brenda dy muajve te ardhshem, ne varesi te bashkepunimit me qeverine shqiptare".
Roland Mici: Klubet kane te drejte, shteti jo
Rikthehet ne skene ish-sekretari i Pergjithshem i FSHF-se, Roland Mici, i cili per here te pare, qe pas pushimit te tij, jep nje deklarate ne lidhje me konfliktin e rende qe ka perfshire trekendeshin FIFA-FSHF-MTKRS. Sipas tij, deklarata e gjashte klubeve elitare e firmosur nga presidentet perkates, eshte nje forme e pranueshme proteste, e bere nga ata njerez qe hedhin miliona per futbollin shqiptar dhe shohin ne kete menyre investimet e tyre te shkojne dem. "Klubet kane te drejte te protestojne, pavaresisht formes qe ata zgjedhin. Nuk duhet te harrojme se jane keta presidente, te cilet i hedhin parate me grushte per futbollin shqiptar dhe ne kete menyre duan vetem te mbrojne investimet e tyre", deklaron ish-sekretari Mici. Por, nese avokati eshte dakord me klubet, nuk aprovon aspak sjelljen e MTKRS-se, e cila, sipas tij, po e fut ne nje qorrsokak futbollin shqiptar. "Shteti nuk ka aspak te drejte te zhvilloje audite te tilla. Nese ka nje fajtor per kete situate, padyshim qe MTKRS ka pjesen kryesore. Duhet patjeter te gjendet nje rrugedalje, perndryshe futbolli shqiptar do te ndeshkohet rende".
Spahia: MTKRS s'ka gisht ne protesten e klubeve
Nuk ka munguar reagimi zyrtar i MTKRS-se, e cila nepermjet numrit dy te kabinetit Pango, Ekrem Spahise, ka deklaruar se akuzat e FSHF-se per perfshirje te ministrit Pango ne protesten e firmosur nga gjashte klube, konkretisht Tirana, Partizanit, Besa, Elbasani, Vllaznia e Shkumbini. Spahia e ka mohuar kategorikisht implikimin e shefit te tij. "MTKRS shprehet e shqetesuar ne lidhje me zerat qe e kane vene ministrin Pango ne qender te thashethemeve si organizator te protestes te disa klubeve te superliges. Dicka e tille eshte e pavertete", ka theksuar Spahia. Faktikisht, dyshimet erdhen pas e-mailit te shperndare nga zyrat e ministrise, megjithate, Ministria e Sporteve kerkon te shmanget teresisht nga kjo turbullire. Me pas, Spahia ka kerkuar te saktesoje edhe njehere gjerat. "Ministria e Turizmit, Kultures, Rinise dhe Sporteve nuk po auditon fondet e FIFA-s e UEFA-s, por vetem fondet e saja dhe ato qe federata e futbollit i detyrohet shtetit. Kjo eshte dicka me se normale dhe nuk ka perse te ekzagjerohet kaq shume", ka perfunduar zv/ministri i Sporteve, Ekrem Spahia, qe ne kete menyre kerkon te shkepuse MTKRS-ne nga akuzat.