Pensionet, zgjerohet skema e perfituesve
Qeveria ka vendosur te zgjeroje skemen e funksionareve, te cilet perfitojne pension suplementar per kontributet e tyre ne shtet. Keshtu, listes se kufizuar te personave, te cilet mbi pensionin normal marrin nje shtese prej 15 mije leke deri ne 30 mije leke i jane shtuar edhe punonjesit e institucioneve te tjera, te cilet marrin perfitime shtese mbi perfitimet qe jepen nga sigurimi i detyrueshem shoqeror. Nderkohe qe, per te pasqyruar kerkesat e institucioneve te reja te krijuara, apo ndryshimeve ne emertesat si rezultat i ndryshimeve strukturore, eshte riinicuar dhe ky vendim i Keshillit te Ministrave per pensionet suplementare per institucionet kushtetuese. Drafti qe po diskutohet ne Keshillin e Ministrave parashikon qe ne kete skeme te perfshihen edhe anetaret e institucioneve, si ai i Autoritetit te Konkurrences dhe te Institucionit te Avokatit te Prokurimeve. "Te dy keto institucione, sipas akteve ligjore dhe nenligjore ne fuqi, funksionojne si institucione qendrore buxhetore te pavarura. Prandaj mendojme qe edhe keto te dy institucione duhet te trajtohen ne menyre te barabarte me institucionet qendrore, te cilat kane status te njejte ose te ngjashem me to", theksohet ne draftin e paraqitur ne qeveri nga Ministria e Financave. Sipas te cilit, keto institucione do te trajtohen ne menyre te barabarte me institucionet qendrore, te cilat kane status te njejte ose te ngjashem me to. Po keshtu, ne skemen e perfitimit te pensionit suplementar, qeveria ka menduar te perfshije edhe punonjesit e Gjykates Kushtetuese dhe ata te Keshillit te Larte te Drejtesise.
Ne kete menyre, qeveria do te marre masa te shperbleje edhe anetaret e atyre institucioneve kushtetuese qe me pare nuk ishin perfshire ne kete skeme dhe perfitonin vetem nje pension normal per kontributin e tyre nder vite. Me miratimin ne Kuvend te ketij drafti, pritet te jene institucionet shteterore qe te percaktojne edhe perfitimin e kesaj shtese per cdo person, qe eshte perfshire ne kete skeme.
Kjo shtese e parashikuar nga ligjin "Per Pensionet Shteterore Suplementare te Personave qe Kryejne Funksione Kushtetuese dhe te Punonjesve te Shtetit ", llogaritet ne baze te pozicionit qe personi ka mbajtur dhe ne baze te viteve te punes qe ka kryer ne ate pozicion. Ky ligj i krijuar ne vitin 1996, ka si synim qe te shperbleje te gjithe ata persona qe kane kontribuar ne drejtimin e vendit dhe kane pasur pozicione kyc ne zhvillimin e sektoreve te vecante ne vend. Keshtu, ligji shperblen me nje shtese mbi pensionin, kryeministrat e vendit, zv/kryeministrat, ministrat, deputetet dhe punonjesit e Kuvendit. Kompensim perfitojne edhe ish-drejtoret e Pergjithshem te institucioneve te rendesishme shteterore dhe ish-sekretaret ne keto institucione. Po keshtu, nepermjet ketij ligji, perfitonin edhe prokuroret dhe gjyqtaret ne vend, ambasadoret e Shqiperise dhe atashete ne ambasade dhe nje numer i madh ish-funksionaresh ne sektoret kyc te drejtimit te vendit. Nderkohe qe propozimi i ministri te Punes dhe Ceshtjeve Sociale, Barka, per perfshirjen ne skeme te drejtorit dhe nendrejtorit te Agjencise se Kthimit dhe Kompensimit te Pronave, eshte marre parasysh nga Ministria e Financave, per drejtorin e Departamentit te Administrates Publike, nje propozim i tille eshte rrezuar.
Perfituesit nga zgjerimi i skemes:
Grupi 1
Kryetari i Autoritetit te KonkurrenceS
Anetar i Autoritetit te KonkurrenceS
Avokat i Prokurimeve
Kryeinspektor ne KLD
Shef kabineti ne Gjykaten Kushtetuese
Drejtor i Pergjithshem i Agjencise se Kthimit dhe Kompensimit te Pronave
Grupi 2
Inspektor ne KLD
Keshilltar ne Gjykaten Kushtetuese
Zv/drejtor i Pergjithshem i Agjencise se Kthimit dhe Kompensimit te Pronave
Anetar i Komitetit Shteteror te Kulteve
Sekretar i kryetarit te Gjykates Kushtetuese
Ndihmes ligjor ne Gjykaten e Larte